ପ୍ରଭାତ ବିଶ୍ବାଳଙ୍କ ନାଁରେ ଚାର୍ଜସିଟ୍‌…..

ରିପୋର୍ଟ କାର୍ଡ / ଭୁବନେଶ୍ୱର

ସିସୋର ଚିଟ୍‌ଫଣ୍ଡ ଠକେଇ ମାମଲାରେ ପ୍ରଭାତ ବିଶ୍ୱାଳଙ୍କ ନାଁରେ ଚାର୍ଜସିଟ୍‌ ଦାଖଲ କରାଯାଇଛି । ପୂର୍ବତନ ଚୌଦ୍ୱାର ବିଧାୟକ ପ୍ରଭାତ ରଂଜନ ବିଶ୍ୱାଳଙ୍କସହ ପତ୍ନୀ ଲକ୍ଷ୍ମୀବିଳାସିନୀଙ୍କ ନାଁରେ ମଧ୍ୟ ଅତିରିକ୍ତ ଚାର୍ଜସିଟ୍‌ ଦାଖଲ ହୋଇଛି । ସେସନ୍ସ କୋର୍ଟରେ ଇଡି ପକ୍ଷରୁ ଅତିରିକ୍ତ ଚାର୍ଜସିଟ୍‌ ଦାଖଲ କରାଯାଇଛି । ବିଶ୍ୱାଳ ଦଂପତିଙ୍କ ସହ ସିସୋରର ୨ଟି କଂପାନୀ ନାଁରେ ମଧ୍ୟ ଚାର୍ଜସିଟ୍‌ ଦାଖଲ ହୋଇଛି । ସିସୋର ମୁଖ୍ୟ ପ୍ରଶାନ୍ତ ଦାସ, ପ୍ରଭାତ ଦାସ, ଅନ୍ୟ ୩ ଜଣଙ୍କ ନାଁରେ ଭୁବନେଶ୍ବର ସ୍ପେଶାଲ କୋର୍ଟ (ପିଏମଏଲଏ)ରେ ଦ୍ବିତୀୟ ଅତିରିକ୍ତ ଅଭିଯୋଗ ଦାୟର କରିଛି। ମାନ୍ୟବର କୋର୍ଟ ଇଡି ଅଭିଯୋଗକୁ ଗ୍ରହଣ କରିଛନ୍ତି।