ରୋମାଞ୍ଚକ ମୋଡରେ ମୋଟେରା ଟେଷ୍ଟ

ବଡ ବିଜୟ ଲକ୍ଷରେ ଟିମ ଇଣ୍ଡିଆ । ମୋଟେରା ଗ୍ରାଉଣ୍ଡରେ ଧରାଶାୟୀ ହୋଇଛି ଇଂଲଣ୍ଡ । ବିଶ୍ୱର ବଡ କ୍ରିକେଟ ଷ୍ଟାଡିୟମରେ ଭାରତ ବୃହତ ବିଜୟ କରିପାରେ । ପ୍ରଥମ ଇନିଂସରେ ଇଂଲଣ୍ଡ ଦଳ ୧୧୨ ରନରେ ଅଲଆଉଟ ହେବା ପରେ ଦ୍ୱିତୀୟ ଇନିଂସରେ ୮୧ ରନରେ ଅଲଆଉଟ ହୋଇଛି । ଦ୍ୱିତୀୟ ଇନିଂସରେ ଅକ୍ଷର ପଟେଲଙ୍କୁ ସର୍ବାଧିକ ୫ଟି ୱିକେଟ ମିଳିଥିବା ବେଳେ ଅଶ୍ୱନୀଙ୍କୁ ୪ ଓ ସୁନ୍ଦରଙ୍କୁ ଗୋଟିଏ ୱିକେଟ ମିଳିଛି । ସେହିପରି ଇଂଲଣ୍ଡର ଦ୍ୱିତୀୟ ଇନିଂସରେ ବେନ ଷ୍ଟୋକସ ସର୍ବାଧିକ ୨୫ ରନ କରିଛନ୍ତି । ଇଂଲଣ୍ଡ ଦଳର ୮ ଜଣ ବ୍ୟାଟ୍ସମ୍ୟାନ ୨ ଅଙ୍କ ଛୁଇଁପାରିନଥିଲେ । ସେହିପରି ୪ଜଣ ଖେଳାଳି ଭାରତୀୟ ସ୍ପିନରଙ୍କ ଆଗରେ ଖାତା ଖୋଲିବାରେ ସମର୍ଥ ହୋଇନଥିଲେ । ଭାରତ ତାର ପ୍ରଥମ ଇନିଂସରେ ୧୪୫ ରନରେ ଅଲଆଉଟ ହେବା ପରେ ଦ୍ୱିତୀୟ ଇନିଂସ ଜାରି ରଖିଛି ।