ଓଡ଼ିଆ ଆଇପିଏସ୍‌ ରାଜେଶ ଦାସଙ୍କୁ ଜେଲ୍‌ ଦଣ୍ଡାଦେଶ…..

ରିପୋର୍ଟ କାର୍ଡ / ନୂଆଦିଲ୍ଲୀ

କନିଷ୍ଠ ମହିଳା ପୋଲିସ ଅଧିକାରୀଙ୍କୁ ଯୌନଉତ୍ପୀଡ଼ନ ଦେଇଥିବା ମାମଲାରେ ଆଜି ତାମିଲ୍‌ନାଡୁର ପୂର୍ବତନ ପୋଲିସ ମହାନିର୍ଦେଶକ ରାଜେଶ ଦାସଙ୍କୁ ୩ ବର୍ଷ ସଶ୍ରମ କାରାଦଣ୍ଡାଦେଶ ଓ ୧୦ ହଜାର ଟଙ୍କା ଜରିମାନା କରାଯାଇଛି। ସେ ହେଉଛନ୍ତି ତାମିଲନାଡୁ କ୍ୟାଡର ଓଡ଼ିଆ ଆଇପିଏସ୍‌ ଅଫିସର | ୨୦୨୧ ଫେବ୍ରୁଆରିରେ ଉକ୍ତ କନିଷ୍ଠ ମହିଳା ପୋଲିସ ଅଧିକାରୀ ଫାଇଲ୍‌ କରିଥିବା ମାମଲାର ଶୁଣାଣି କରି ଆଜି ତାମିଲନାଡୁର ବିଲ୍ଲୁପୁରମ୍‌ ଅଦାଲତ ରାଜ୍ୟ ପୋଲିସ ଫୋର୍ସର ପୂର୍ବତନ ସ୍ବତନ୍ତ୍ର ମହାନିର୍ଦେଶକଙ୍କୁ ଦୋଷୀ ସାବ୍ୟସ୍ତ କରି ଜେଲ୍‌ ଓ ଜରିମାନା ଦଣ୍ଡାଦେଶ ‌ଦେଇଛନ୍ତି। ଏହାଛଡ଼ା, ଅଭିଯୋଗ ଫାଇଲ୍‌ କରାଇବାରେ ବାଧା ଦେଇଥିବା ଜଣେ ପୁରୁଷ ପୋଲିସ କର୍ମଚାରୀଙ୍କ ଉପରେ ମଧ୍ୟ ଅଦାଲତ ୫୦୦ ଟଙ୍କା ଜରିମାନ କରିଛନ୍ତି।