ମୁମ୍ବାଇ ଶିଳ୍ପାଞ୍ଚଳରେ ଭୟଙ୍କର ଅଗ୍ନିକାଣ୍ଡ…..

ରିପୋର୍ଟ କାର୍ଡ / ନୂଆଦିଲ୍ଲୀ

ନବୀ ମୁମ୍ବାଇର ପବନେ ଏମଆଇଡିସି ଅଞ୍ଚଳରେ ଆଜି ହଠାତ ଭୟଙ୍କର ଅଗ୍ନିକାଣ୍ଡ ଘଟିଛି । ନିଆଁକୁ ଆୟତ୍ତ କରିବା ପାଇଁ ଘଟଣାସ୍ଥଳରେ ମହଜୁଦ ଅଛନ୍ତି ଅଗ୍ନିଶମ ବାହିନୀର ଅନେକ ଗାଡି । ଗୋଟିଏ ପରେ ଗୋଟିଏ କମ୍ପାନୀକୁ ନିଜ ବଶୀଭୂତ କରୁଛି ଏହି ଅଗ୍ନିକାଣ୍ଡ । ଏବେ ସୁଦ୍ଧା ମୋଟ ୮ଟି କମ୍ପାନୀକୁ ଏହି ନିଆଁ ବ୍ୟାପି ସାରିଥିବା ଜାଣିବାକୁ ମିଳିଛି । ମହାରାଷ୍ଟ୍ର ଶିଳ୍ପାଞ୍ଚଳ ବିକାଶ ନିଗମ ଅଞ୍ଚଳର ୟୁନିଟରେ ସନ୍ଧ୍ୟା ପ୍ରାୟ ୪ଟା ସମୟରେ ଅଗ୍ନିକାଣ୍ଡ ଘଟିଥିଲା । ଏହାପରେ ଦମକଳର ପ୍ରାୟ ୮ଟି ଗାଡି ଘଟରାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା ଜାରି ରଖିଛନ୍ତି । ତେବେ ମିଳିଥିବା ସୂଚନା ଅନୁସାରେ ଏହି ନିଆଁ ଏବେ ସୁଦ୍ଧା ମୋଟ ୮ଟି କମ୍ପାନୀକୁ ବ୍ୟାପି ସାରିଛି । କମ୍ପାନୀ ନିକଟରେ ଥିବା କେମିକାଲ ଡ୍ରମଗୁଡି ଫାଟୁଥିବାରୁ ଏହା ଏକ ଭୟଙ୍କର ଅଗ୍ନିକାଣ୍ଡରେ ପରିଣତ ହୋଇଛି । ଏଭଳି ଏକ ପରିସ୍ତିତି ନିଆଁକୁ ଆୟତ୍ତ କରିବା କଷ୍ଟକର ହୋଇ ପଡିଛି । ତେବେ ଅଗ୍ନିଶମ ବିଭାଗର କର୍ମଚାରୀମାନେ ନିଜର ଭରପୂର ଚେଷ୍ଟା ଜାରି ରଖିଛନ୍ତି । କମ୍ପାନୀ ଭିତରେ ଥିବା କିଛି ରାସାୟନିକ ଡ୍ରମକୁ ବାହାର କରିବାରେ ସଫ ହୋଇଛନ୍ତି କମ୍ପାନୀର କର୍ମଚାରୀ ଏବଂ ଦମକଳବାହିନୀ । କିନ୍ତୁ ଅଗ୍ନିଶମ ବିଭାଗର ପାଣିମାଡ ନିଆଁକୁ ଆୟତ୍ତ କରିବାରେ ଫେଲ ମାରୁଛି ।