କଣ୍ଟେନର-ଜିପ୍‍ ଧକ୍କା,୫ ମୃତ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଉତ୍ତରପ୍ରଦେଶର ଫିରୋଜାବାଦରେ ଏକ ବଡ ଧରଣର ସଡକ ଦୁର୍ଘଟଣା ଘଟିଛି। ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ହୋଇ ଥିବା ବେଳେ ଜଣେ ଯୁବକ ଗୁରୁତର ଆହତ ହୋଇଛନ୍ତି । ଆହତ ଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ସୂଚନା ଯୋଗ୍ୟ, ଫିରୋଜାବାଦ ଜିଲାର ତୁଣ୍ଡଲା ଥାନା ଅଞ୍ଚଳରେ ଜାତୀୟ ରାଜପଥ ସ୍ଥିତ ଟୋଲ ଗେଟ୍‍ ନିକଟରେ ମଙ୍ଗଳବାର ବିଳମ୍ବିତ ରାତିରେ କଣ୍ଟେନର ସହ ଜିପ୍‍ ର ଧକ୍କା ହୋଇଛି। ଜିପ୍‍ ରେ ଥିବା ଯାତ୍ରୀଙ୍କ ମଧ୍ୟରେ ୪ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି। ୨ ଜଣ ଗୁରୁତର ଆହତ ହୋଇଥିଲେ। ସେମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ମାତ୍ର ଚିକିତ୍ସାଧୀନ ଅବସ୍ଥାରେ ଜଣେ ଯୁବକଙ୍କ ମୃତ୍ୟୁ ହୋଇଥିଲା। ପୋଲିସ ପହଞ୍ଚି ମୃତଦେହ ଉଦ୍ଧାର ସହ ବ୍ୟବଚ୍ଛେଦ ପାଇଁ ପଠାଇଛି। ଦୁର୍ଘଟଣା ପରେ ଆଗ୍ରା-ଫିରୋଜାବାଦ ଜାତୀୟ ରାଜମଥ ଜାମ୍‍ ହେବା ସହ ଅନେକ ସମୟ ଯାଏଁ ଗାଡିମଟର ଅଟକି ରହିଥିଲା। ଧିରେ ଧିରେ ଗମନାଗମନ ସ୍ୱଭାବିକ ହୋଇଥିଲା।