ରିପୋର୍ଟ କାର୍ଡ / ନୂଆଦିଲ୍ଲୀ
ଭାରତର ମହାମାରୀ ସଙ୍କଟ ସମୟରେ ଯୁକ୍ତରାଷ୍ଟ୍ର ଆମେରିକା ସହାୟତାର ହାତ ବଢ଼ାଇଛି | କ୍ତରାଷ୍ଟ୍ର ଆମେରିକାରୁ ଆସିଥିବା ପ୍ରଥମ କୋଭିଡ୍ ଜରୁରୀକାଳୀନ ରିଲଫ୍ ସାମଗ୍ରୀ ଆଜି ସକାଳେ ଭାରତରେ ପହଂଚିଛି। ରିଲଫ୍ ରେ ୪୦୦ରୁ ଅଧିକ ଅକ୍ସିଜେନ୍ ସିଲିଣ୍ଡର୍, ପ୍ରାୟ ୧ ନିୟୁତ ରାପିଡ୍ କରୋନାଭାଇରସ୍ ଟେଷ୍ଟ୍ କିଟ୍ ଏବଂ ଅନ୍ୟାନ୍ୟ ଡାକ୍ତରଖାନା ସାମଗ୍ରୀ ଧରି ଆମେରିକା ପଠାଇଛି | ‘ସୁପର ଗାଲାକ୍ସି’ ସାମରିକ ପରିବହନ ବିମାନ ଆଜି ସକାଳେ ନୂଆଦିଲ୍ଲୀସ୍ଥିତ ଆନ୍ତର୍ଜାତିକ ବିମାନ ବନ୍ଦରରେ ଅବତରଣ କରିଥିଲା। ଟୁଇଟ୍ କରି ଯୁକ୍ତରାଷ୍ଟ୍ର ଆମେରିକାର ଦୂତାବାସ ଏହି ସାମଗ୍ରୀ ସବୁର ଫଟୋ ସେୟାର୍ କରିବା ସହ କହିଛି, ଜରୁରୀକାଳୀନ କୋଭିଡ୍-୧୯ ରିଲିଫ୍ ସାମଗ୍ରୀମାନଙ୍କରୁ ପ୍ରଥମ କେତେକ ସାମଗ୍ରୀ ଯୁକ୍ତରାଷ୍ଟ୍ର ଆମେରିକାରୁ ଆସି ଭାରତରେ ପହଞ୍ଚିଛି! ଆମେ ଏକତ୍ର କୋଭିଡ୍-୧୯ ମହାମାରୀ ବିରୋଧରେ ଲଢୁଥିଲା ବେଳେ ୭୦ ବର୍ଷରୁ ଅଧିକାଳ ହେବ ଗଢ଼ି ଉଠିଥିବା ବନ୍ଧୁତା ପାଇଁ ଯୁକ୍ତରାଷ୍ଟ୍ର ଆମେରିକା ଆଜି ଭାରତ ପାଖରେ ଠିଆ ହୋଇଛି। ଯୁକ୍ତରାଷ୍ଟ୍ର ଆମେରିକା-ଭାରତ ଦୋସ୍ତି।କୋଭିଡ୍ ବିରୋଧୀ ସଂଗ୍ରାମରେ ଯୁକ୍ତରାଷ୍ଟ୍ର ଆମେରିକା ଭାରତକୁ ସହାୟତା ଯୋଗାଇ ଚାଲିବ ବୋଲି ଏ ସପ୍ତାହ ପ୍ରାରମ୍ଭରେ ରାଷ୍ଟ୍ରପତି ଜୋ ବାଇଡେନ୍ କହିଥିଲେ। ମହାମାରୀ ପ୍ରାରମ୍ଭରେ ଆମ ଡାକ୍ତରଖାନା ସବୁ ଉପକରଣଶୂନ୍ୟ ହୋଇ ଆସୁଥିବା ବେଳେ ଯେମିତି ଭାରତ ସହାୟତା ପଠାଇଥିଲା, ଆବଶ୍ୟକ ବେଳେ ଭାରତକୁ ସେମିତି ସହାୟତା ଯୋଗାଇବୁ ବୋଲି ଆମେ ପ୍ରତିବଦ୍ଧ ବୋଲି ଟୁଇଟ୍ କରି ବାଇଡେନ୍ କହିଥିଲେ। ଆଗାମୀ ଦିନମାନଙ୍କରେ ଯୁକ୍ତରାଷ୍ଟ୍ର ଆମେରିକା ଭାରତକୁ ୧୦୦ ନିୟୁତ ଡଲାର୍ରୁ ଊର୍ଦ୍ଧ୍ବ ମୂଲ୍ୟର କୋଭିଡ୍ ରିଲିଫ୍ ସାମଗ୍ରୀ ପଠାଇବ ବୋଲି ଗୁରୁବାର ଦିନ ବୈଦେଶିକ ବିଭାଗ ମୁଖପାତ୍ର ନେଡ୍ ପ୍ରାଇସ୍ କହିଥିଲେ।
More Stories
ଆଜି ଗୁରୁ ଦିବସ….
ବିଧାୟକଙ୍କ ପେନ୍ସନ ବୃଦ୍ଧି ଦାବି…..
ମହାପ୍ରଭୁଙ୍କ ଦର୍ଶନ କଲେ RBI ଗଭର୍ଣ୍ଣର ଶକ୍ତିକାନ୍ତ ଦାସ….