ସରକାର ୧୦ ଲକ୍ଷ ଲୋକଙ୍କୁ ଦେବେ ନିଯୁକ୍ତି……

ରିପୋର୍ଟ କାର୍ଡ / ନୂଆଦିଲ୍ଲୀ

ବିଶ୍ୱବିଦ୍ୟାଳୟ ଏବଂ ଅନ୍ୟାନ୍ୟ ବିଭାଗରେ ଖାଲି ପଦବୀ ପୂରଣ ପାଇଁ ସରକାର ପ୍ରସ୍ତୁତ ହେଉଛନ୍ତି। ଗୋଟିଏ ବର୍ଷ ମଧ୍ୟରେ ୧୦ ଲକ୍ଷରୁ ଅଧିକ ପଦବୀ ନିଯୁକ୍ତ ଦିଆଯିବ । ଲୋକସଭାରେ ଏକ ସପ୍ଲିମେଣ୍ଟାରୀ ପ୍ରଶ୍ନର ଉତ୍ତରରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି | ଏହା ମଧ୍ୟ କହିଛନ୍ତି କି ୩୦ ପ୍ରତିଶତ ପଦବୀ ଖାଲି ପଡିଛି ଏବଂ ସେଗୁଡିକ ପୂରଣ ପ୍ରକ୍ରିୟା ଚାଲିଛି। ମିଳିଥିବା ସୂଚନା ଅନୁସାରେ ବିଭିନ୍ନ ଶିକ୍ଷାନୁଷ୍ଠାନ ଯେପରି ଆଇଆଇଟି ରେ ୪୦.୩୦% ,ଆଇଆଇଏମ ରେ ୩୧.୪୮%, ସେଣ୍ଟ୍ରାଲ ୟୁନିଭେର୍ସିଟି ରେ ୩୨.୬୦%ପଦବୀ ଖାଲି ପଡିଛି । ସରକାରଙ୍କ ଯୋଜନା ହେଉଛି ଗୋଟିଏ ବର୍ଷ ମଧ୍ୟରେ ୧୦ ଲକ୍ଷ ନିଯୁକ୍ତି ଦେବା ଏବଂ ଶିକ୍ଷା ବିଭାଗରେ ବ୍ୟାପକ ନିଯୁକ୍ତି ଦିଆଯିବ। ସେ କହିଛନ୍ତି ଯେ ଗତ ବର୍ଷ ୨୦୦୦ ରେ ପ୍ରଫେସର, ଆସୋସିଏଟ୍ ପ୍ରଫେସର, ସହକାରୀ ପ୍ରଫେସର ନିଯୁକ୍ତ ହୋଇଥିଲେ, ଯେଉଁଥିରେ କୋରାପୁଟ କେନ୍ଦ୍ରୀୟ ବିଶ୍ୱବିଦ୍ୟାଳୟରେ ନିଯୁକ୍ତି ମଧ୍ୟ କରାଯାଇଛି। ଅନ୍ୟ ଏକ ପ୍ରଶ୍ନ ଉପରେ ସେ କହିଛନ୍ତି ଯେ ମୁରସିଦାବାଦ ଏବଂ ମାଲାପୁରମରେ ଆଲିଗଡ ବିଶ୍ୱବିଦ୍ୟାଳୟର ସମ୍ପ୍ରସାରଣ କେନ୍ଦ୍ର ମଧ୍ୟ ଖୋଲାଯାଇଛି, କିନ୍ତୁ ପୂର୍ବ ସରକାର ୨୦୧୧ରେ ଏହା ଘୋଷଣା କରିଥିଲେ ଏବଂ ସ୍ୱପ୍ନ ଦେଖାଇଥିଲେ ମଧ୍ୟ ସେହି ଦିଗରେ କାମ କରିନଥିଲେ, ଏହି କାରଣରୁ ଏହି କାମକୁ ଆଗକୁ ନେବାରେ ଅସୁବିଧା ହେଉଛି। ରାଜ୍ୟ ଶିକ୍ଷା ମନ୍ତ୍ରୀ ସୁଭାଷ ସରକାର ଅନ୍ୟ ଏକ ପ୍ରଶ୍ନରେ କହିଛନ୍ତି ଯେ ସମସ୍ତ ସମ୍ପ୍ରଦାୟର ପିଲାମାନେ ଆଦିବାସୀ ବିଶ୍ୱବିଦ୍ୟାଳୟରେ ଅଧ୍ୟୟନ କରିବାକୁ ଆସନ୍ତି, ଯେଉଁଠାରେ ଆଦିବାସୀମାନେ ଅଛନ୍ତି, ଅନ୍ୟ ସମ୍ପ୍ରଦାୟର ପିଲାମାନେ ମଧ୍ୟ ନିୟମିତ ଅଧ୍ୟୟନ କରନ୍ତି।