ରିପୋର୍ଟ କାର୍ଡ / ନୂଆଦିଲ୍ଲୀ
NIA, NDRF ଓ BPRD ପରି ୩ ଗୁରୁତ୍ୱପୂର୍ଣ୍ଣ ସଂସ୍ଥାରେ ନୂଆ ଡିଜି ନିଯୁକ୍ତ ହୋଇଛନ୍ତି | ଆଇପିଏସ୍ ସଦାନନ୍ଦ ବସନ୍ତ ଦାତେ NIAର ନୂଆ ଡିଜି ନିଯୁକ୍ତ ହୋଇଥିବା ବେଳେ IPS ପୀୟୂଷ ଆନନ୍ଦ NDRFର ନୂଆ ଡିଜି ଭାବେ ନିଯୁକ୍ତି ପାଇଛନ୍ତି। ସେହିପରି BPR&Dର ନୂଆ ଡିଜି ପଦ ପାଇଁ IPS ରାଜୀବ କୁମାର ଶର୍ମାଙ୍କ ନାଁ ଫାଇନାଲ କରାଯାଇଛି| କେନ୍ଦ୍ର ସରକାର ଏହି ନିଯୁକ୍ତି ସହ ଜଡିତ ଏକ ନିର୍ଦ୍ଦେଶନାମା ଜାରି କରିଛନ୍ତି। ମହାରାଷ୍ଟ୍ର କ୍ୟାଡର ଆଇପିଏସ୍ ଅଧିକାରୀ ସଦାନନ୍ଦ ବସନ୍ତ ତାଙ୍କର କଡା ଆଭିମୁଖ୍ୟ ପାଇଁ ଜଣାଶୁଣା | ସେ ୨୦୧୫ରେ ସିଆରପିଏଫର ଡିଜି ଭାବରେ ନିଯୁକ୍ତ ହୋଇଥିଲେ। ଏହି ସମୟରେ ଛତିଶଗଡ ସମେତ ଦେଶର ଅନେକ ସ୍ଥାନରେ ନକ୍ସଲ ହିଂସା ଘଟିଥିଲା, ଏହା ପରେ ଏକ ସଶସ୍ତ୍ର ଅଭିଯାନ ଆରମ୍ଭ ହୋଇଥିଲା। ତାଙ୍କୁ ପ୍ରଥମେ ଛତିଶଗଡର ଗାଡଚିରୋଲିରେ ଥିବା ନକ୍ସଲ ଅଭିଯାନରେ ନିଯୁକ୍ତ କରାଯାଇଥିଲା | ଫେବୃଆରୀ ୨୦୧୫ରେ ତାଙ୍କୁ ସିଆରପିଏଫରେ ଆଇଜି ପଦବୀକୁ ପଦୋନ୍ନତି ଦିଆଯାଇଥିଲା। ତାଙ୍କୁ ସିଆରପିଏଫର ସ୍ୱତନ୍ତ୍ର ଆଇଜି କରାଯାଇଥିଲା | ଏହା ପରେ ସେ ଡିଜି ଭାବରେ ପାଞ୍ଚ ବର୍ଷ ପାଇଁ ସିଆରପିଏଫରେ ଡେପୁଟେସନରେ ଥିଲେ। ବର୍ତ୍ତମାନ ତାଙ୍କୁ ଏନଆଇଏର ଦାୟିତ୍ୱ ଦିଆଯାଇଛି।
Discussion about this post