ନାଗାବଳୀ ଝୁଲାପୋଲ ବନ୍ଦ…..

ରିପୋର୍ଟ କାର୍ଡ / ରାୟଗଡା

ରାୟଗଡା ସହର ଉପକଣ୍ଠରେ ଥିବା ନାଗାବଳୀ ନଦୀ ଉପରେ ଥିବା ରାଜ୍ୟର ଦ୍ୱିତୀୟ ଝୁଲାପୋଲ ବନ୍ଦ ହୋଇଛି । ପର୍ଯ୍ୟଟକଙ୍କ ପାଇଁ ସୁରକ୍ଷା ଦୃଷ୍ଟିକୋଣରୁ ଏହାକୁ ପ୍ରଶାସନ ପକ୍ଷରୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ନାଗାବଳୀ ନଦୀ ଝୁଲାପୋଲ କୁ ବନ୍ଦ କରାଯାଇଛି । ଚେକାଗୁଡା ଠାରୁ ମାରିଗୁଡା ପର୍ଯ୍ୟନ୍ତ ଏହି ପୋଲ ନିର୍ମାଣ ହୋଇଥିଲା । ଗମନାଗମନ ପାଇଁ ନିର୍ମାଣ ହୋଇଥିବା ପୋଲ ପରବର୍ତ୍ତୀ ସମୟରେ ପର୍ଯ୍ୟଟନ ସ୍ଥଳୀ ପାଲଟିଯାଇଛି । ୨୦୧୧ ମସିହାରେ ନିର୍ମାଣ ହୋଇଥିଲା ଏହି ଝୁଲାପୋଲ | ମାତ୍ର ୧୧ ବର୍ଷର ଏହି ପୋଲରେ ଏ ଯାବତ ୩୫ ଜଣଙ୍କ ମୃତ୍ୟୁ ହୋଇସାରିଲାଣି । ଯାହାକୁ କି ଗୁରୁତର ସହ ଗ୍ରହଣ କରିଛି ଜିଲ୍ଲା ପ୍ରଶାସନ । ଆଗକୁ ପର୍ଯ୍ୟଟନ ଋତୁ ଆସୁଥିବାରୁ ରାଜ୍ୟ ତଥା ରାଜ୍ୟ ବାହାରର ବହୁ ପର୍ଯ୍ୟଟକଙ୍କ ଭିଡ଼ ଜମିବା ଅନୁମାନ କରି ପୂର୍ବରୁ ଏହି ପୋଲଟିକୁ ବନ୍ଦ କରି ଦିଆଯାଇଛି।