ମୁସ୍‌ଲମାନ ପରିବାର ମଧ୍ୟରେ ହିନ୍ଦୁ ସୁରକ୍ଷିତ ନୁହଁନ୍ତି,ହୋଲି ଖେଳିବାରେ ଅସୁବିଧା କ’ଣ….

ରିପୋର୍ଟ କାର୍ଡ / ନୂଆଦିଲ୍ଲୀ

ରାଜ୍ୟରେ ସଂଖ୍ୟାଲଘୁମାନେ ସବୁଠାରୁ ସୁରକ୍ଷିତ ବୋଲି ଦାବି କରିଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ‌ସେ ଆହୁରି ବି କହିଛନ୍ତି ଯେ ଶହେ ହିନ୍ଦୁ ପରିବାର ମଧ୍ୟରେ ଗୋଟିଏ ମୁସଲିମ ପରିବାର ସୁରକ୍ଷିତ ଅନୁଭବ କରିବ କିନ୍ତୁ ଶହେ ମୁସ୍‌ଲମାନ ପରିବାର ମଧ୍ୟରେ ଜଣେ ହିନ୍ଦୁ ସୁରକ୍ଷିତ ନୁହେଁ। ଏଏନ୍‌ଆଇ ଏକ ପୋଡ୍‌କାଷ୍ଟ୍‌ରେ ଅ‌ାଦିତ୍ୟନାଥ ଏପରି କହିଛନ୍ତି। ଆଦିତ୍ୟନାଥ କହିଛନ୍ତି ଯେ ୧୦୦ ମୁସଲିମ ପରିବାର ମଧ୍ୟରେ ୫୦ ଜଣ ହିନ୍ଦୁ ସୁରକ୍ଷିତ ଅନୁଭବ କରିପାରିବେ ନାହିଁ ଏବଂ ଏହା ସହିତ ସେ ବାଂଲାଦେଶର ପରିସ୍ଥିିତି ବିଷୟରେ ଆଲୋକପାତ କରିଛନ୍ତି। ଯେଉଁଠାରେ ଗତ କିଛି ମାସ ମଧ୍ୟରେ ସଂଖ୍ୟାଲଘୁ ଏବଂ ମନ୍ଦିର ଉପରେ ଅନେକ ଆକ୍ରମଣ ହୋଇଛି। “ଶହଟି ହିନ୍ଦୁ ପରିବାର ମଧ୍ୟରେ ଗୋଟିଏ ମୁସଲିମ ପରିବାର ସବୁଠାରୁ ସୁରକ୍ଷିତ। ସେମାନଙ୍କର ସମସ୍ତ ଧାର୍ମିକ କାର୍ଯ୍ୟ ପାଳନ କରିବାର ସ୍ୱାଧୀନତା ରହିବ। କିନ୍ତୁ କ’ଣ ୧୦୦ ମୁସଲିମ ପରିବାର ମଧ୍ୟରେ ୫୦ ଜଣ ହିନ୍ଦୁ ସୁରକ୍ଷିତ ରହିପାରିବେ? ନା। ବାଂଲାଦେଶ ଏହାର ଏକ ଉଦାହରଣ। ଏହା ପୂର୍ବରୁ ପାକିସ୍ତାନ ଏକ ଉଦାହରଣ ଥିଲା,” ବୋଲି ଉତ୍ତେଜିତ ବିଜେପି ନେତା ଏପରି କହିଛନ୍ତି। ଏହି ସପ୍ତାହରେ କ୍ଷମତାରେ ଆଠ ବର୍ଷ ପୂରଣ କରିଥିବା ଆଦିତ୍ୟନାଥ ସରକାର ଜୋର ଦେଇ କହିଛନ୍ତି ଯେ ୨୦୧୭ରେ ବିଜେପି ସରକାର ଗଠନ କରିବା ପରଠାରୁ ଉତ୍ତର ପ୍ରଦେଶରେ ସାମ୍ପ୍ରଦାୟିକ ଦଙ୍ଗା ବନ୍ଦ ହୋଇଯାଇଛି। ସେ ଆହୁରି ମଧ୍ୟ ଗୁରୁତ୍ୱାରୋପ କରିଛନ୍ତି ଯେ ଜଣେ ଯୋଗୀ ଭାବରେ ସେ “ସମସ୍ତଙ୍କ ଖୁସି” କାମନା କରିଛନ୍ତି। ହୋଲି ସମୟରେ ୟୁପିରେ ଥିବା ମସଜିଦକୁ ଘୋଡାଇ ଦିଆଯିବା ସହ ମୁସଲିମମାନେ ରଙ୍ଗ ଲଗାଇବାକୁ ମନା କରୁଥିବାର ଖବର ଆସିଥିଲା। ଏହି ସବୁ ଖବରକୁ ନେଇ ଏକ ସାକ୍ଷାତକାରରେ ଯୋଗୀ ଆଦିତ୍ୟନାଥ କଡ଼ା ମନ୍ତବ୍ୟ ଦେଇଛନ୍ତି। ଯୋଗୀ କହିଛନ୍ତି ଯେ, ମୁସଲମାନମାନେ ସବୁଠାରୁ ଅଧିକ ରଙ୍ଗୀନ ପୋଷାକ ପିନ୍ଧନ୍ତି। ତେଣୁ ହୋଲି ରଙ୍ଗଠାରୁ ନିଜକୁ ଦୂରାଇବା ସେମାନଙ୍କର ଦୋମୁହାଁ ନୀତି। ହୋଲି ସମୟରେ ମସଜିଦରେ ରଙ୍ଗ ଫିଙ୍ଗିବା ଘଟଣା ଉପରେ ପ୍ରତିକ୍ରିୟା ଦେଇ ଯୋଗୀ କହିଛନ୍ତି ଯେ, ମୁହରମ୍ ଶୋଭାଯାତ୍ରା ପତାକାର ଛାଇ ମନ୍ଦିର କିମ୍ବା ହିନ୍ଦୁ ଘର ଉପରେ ମଧ୍ୟ ପଡ଼ିଥାଏ। ଏହା କ’ଣ ହିନ୍ଦୁ ଘରକୁ ଅପବିତ୍ର କରିଦିଏ? ହୋଲି ଖେଳିଲେ, ରଙ୍ଗ ନିଶ୍ଚିତ ଭାବରେ ବିଭିନ୍ନ ଦିଗକୁ ଯିବ। ରଙ୍ଗପଡ଼ିଗଲେ ଏହା କାହାର ଅସ୍ତିତ୍ୱକୁ ସମାପ୍ତ କରିଦିଏ ନାହିଁ। ସେମାନେ କ’ଣ ରଙ୍ଗୀନ ପୋଷାକ ପିନ୍ଧନ୍ତି ନାହିଁ? ହିନ୍ଦୁମାନଙ୍କ ତୁଳନାରେ ମୁସଲମାନମାନେ ଅଧିକ ରଙ୍ଗୀନ ପୋଷାକ ପିନ୍ଧନ୍ତି। ତେବେ ରଙ୍ଗକୁ କାହିଁକି ଏତେ ଘୃଣା? ସେମାନେ ରଙ୍ଗୀନ ପୋଷାକ ପିନ୍ଧନ୍ତି ଏବଂ ଯଦି ସେଗୁଡ଼ିକ ରଙ୍ଗୀନ ହୋଇଯାଏ ତେବେ ସେମାନେ ହଙ୍ଗାମା କରନ୍ତି। ଏମିତି ଅନେକ ମୁସଲମାନ ଅଛନ୍ତି, ଯେଉଁମାନେ ହୋଲି ଖେଳିଛନ୍ତି।