Report Card Odisha

| Daily Odia News

ଦାମ୍ପତ୍ୟ ସୁଖ ମିଳିବ…..

ରିପୋର୍ଟ କାର୍ଡ / ଭୁବନେଶ୍ୱର

ମେଷ: ଆପଣଙ୍କ ସହିତ କେହି ଦୁଷ୍ଟାମି ଆଚରଣ କରୁଥିଲେ କଣ୍ଟାକୁ କଣ୍ଟାରେ କାଢ଼ିବା ଭଳି ଆଚରଣ ପ୍ରଦର୍ଶନ କରିପାରନ୍ତି। ଆପଣଙ୍କ ଗୃହପାଳିତ ପଶୁମାନେ ମଧ୍ୟ ଦୂର ସ୍ବଭାବର ହୋଇପାରନ୍ତି। ଶତ୍ରୁନିପାତ ହେବ।

ବୃଷ: ଅଧିକ କନ୍ୟା ସନ୍ତାନ ଜାତ ହୋଇପାରନ୍ତି। ସେମାନେ ରୂପବତୀ ହେବେ। ସୌଭାଗ୍ୟବତୀ ହେବାର ସୂଚନା ମିଳୁଛି। ସୁଗଣଯୁକ୍ତା ହେବେ। ପ୍ରତ୍ୟେକ କ୍ଷେତ୍ରରେ ଶୁଭକାରୀ ହୋଇ ସିଦ୍ଧହସ୍ତା ହୋଇପାରନ୍ତି।

ମିଥୁନ: ପତ୍ନୀଙ୍କ ପାଇଁ ସୁଖ ଭୋଗ କରିବେ। ଜଳଦାନକୁ ବୃତ୍ତିଭାବେ ଗ୍ରହଣ କରି ଲାଭବାନ୍‌ ହେବେ। ବସ୍ତ୍ର ଓ ପୁଷ୍ପାଦି ବ୍ୟବସାୟରୁ ଅଧିକ ଧନ ଅର୍ଜନ କରିପାରନ୍ତି। କୃଷିରୁ ଲାଭ ଓ ଗୃହ ସୁଖ ମିଳିପାରେ।

କର୍କଟ: ଦ୍ବିଜଙ୍କ ସହିତ ମିତ୍ରତା ସ୍ଥାପନ କରିପାରନ୍ତି। ଶାନ୍ତିପୂର୍ଣ୍ଣ ସହବସ୍ଥାନକୁ ଆଦରି ନେଇପାରନ୍ତି। ଧର୍ମଧାରଣାରେ ବିଲୀନ ହେବେ। ବିନୟ ସ୍ବଭାବସମ୍ପନ୍ନ ହୋଇପାରନ୍ତି। ଦେବ ସାଧନାରେ ମଗ୍ନ ହେବେ।

ସିଂହ: ଜଙ୍ଗଲଜାତ ଦ୍ରବ୍ୟରୁ ଧନଲାଭ ହେବାର ସୂଚନା ମିଳୁଛି। ପରୋପକାରକୁ ଜୀବନର ବ୍ରତଭାବେ ଗ୍ରହଣ କରିପାରନ୍ତି। ନିଜ ପରାକମ୍ର ବଳରେ ଧନ ଉପାର୍ଜନ କରି ସୁଖୀ ହେବେ। ବିଦେଶୀଗାମୀ ହୋଇପାରନ୍ତି।

କନ୍ୟା: ସଙ୍ଗୀତ ବିଦ୍ୟାରେ ଆଗ୍ରହୀ ହେବା ସହିତ ପାରଦର୍ଶିତା ଲାଭ କରିପାରନ୍ତି। କର୍ମପଟୁ ହେବା ଆଶା କରାଯାଏ। ଯଥାର୍ଥବାଦୀ ହେବେ। କାବ୍ୟଚେତ୍ତା ହୋଇପାରନ୍ତି। ଭୋକ୍ତା, ଦାତା ଓ ପୁଣ୍ୟବାନ୍‌ ହେବେ।

ତୁଳା: ଦେବ, ବ୍ରାହ୍ମଣଙ୍କ ସହିତ ବନ୍ଧୁତା ସ୍ଥାପନ କରିପାରନ୍ତି। ଶ୍ରୁତି ଓ ସ୍ମୃତି ହେତୁକ କର୍ମପ୍ରବଣ ହେବେ। ନୀତି ଓ ନିୟମରେ ପରିଚାଳିତ ହେବେ। ଅର୍ଥ ସେବାରେ ଧନ ବ୍ୟୟ କରିବେ। କ୍ରୋଧ ସମ୍ବରଣ କରିବେ ।

ବିଛା: ବାଣିଜ୍ୟ କାରବାରରୁ ବହୁ ଲାଭର ସୂଚନା ମିଳୁଛି। ନୀତି ନିୟମରେ ପରିଚାଳିତ ହେବା ପାଇଁ ଲୋକଙ୍କୁ ପରାମର୍ଶ ଦେବେ ଓ ନିଜ ଆଚାର ବ୍ୟବହାରର ପ୍ରଦର୍ଶିତ ମାର୍ଗକୁ ଅନୁସରଣ କରିବାକୁ ପରାମର୍ଶ ଦେବେ।

ଧନୁ: ଜଣେ ସେବାକାରୀ ଭାବେ ସର୍ବସାଧାରଣରେ ନିଜର ପରିଚୟ ସୃଷ୍ଟି କରିବେ। ପରୋପକାରକୁ ଜୀବନର ବ୍ରତଭାବେ ଗ୍ରହଣ କରିପାରନ୍ତି। ଅନ୍ନଦାତା ଭାବେ ସର୍ବପୂଜ୍ୟ ହେବେ। ଈଶ୍ବର ବିଶ୍ବାସୀ ହେବେ।

ମକର: ପରଧନରେ ଧର୍ମକାରୀଭାବେ ନିଜ ଡିଣ୍ଡିମ ପିଟିପାରନ୍ତି। ବିଡ଼ମ୍ବନାଯୁକ୍ତ ହୋଇପାରନ୍ତି। ନିଜ କୁଳ ରକ୍ଷାକାରୀ ହେବାର ସୂଚନା ମିଳୁଛି। ସ୍ବପକ୍ଷ ହିତକାରୀ ହେବେ। କୁଳ ରକ୍ଷା କରିବାରେ ଦାମ୍ପତ୍ୟ ସୁଖ ମିଳିବ।

କୁମ୍ଭ: ଅଗ୍ନିଭୟ ରହିଛି। ଅନ୍ଧାର ରାତିର ଗମନାଗମନ ନିଷିଦ୍ଧ କରାଯାଇଛି। ପାନୀୟ ଜଳ ଉପରେ ଗୁରୁତ୍ବ ନ ଦେଇ ପେଟ ରୋଗର ସୂଚନା ମିଳୁଛି। ଖାଦ୍ୟପେୟ ଉପରେ ସଂଯମତା ଆବଶ୍ୟକ।

ମୀନ: କର୍ମଚଞ୍ଚଳ ରହିବେ। ପତ୍ନୀ ବିବେକୀ ହୋଇପାରନ୍ତି। ପରୋପକାର ଓ ସେବାକୁ ଜୀବନର ବ୍ରତଭାବେ ଗ୍ରହଣ କରିବେ। ଦାମ୍ପତ୍ୟ ଜୀବନ ସୁଖପ୍ରଦ ହେବ। ଆପଣ ଜ୍ଞାନ ଓ ଗୁଣର ଭଣ୍ଡାର ହୋଇପାରନ୍ତି।

Breaking News