ରିପୋର୍ଟ କାର୍ଡ / ନୂଆଦିଲ୍ଲୀ
ଗାଡ଼ି କାଚରେ ଫାସ୍ଟ୍ୟାଗ୍ ନ ଲଗାଇ (ଲୁଜ୍ ଫାସ୍ଟ୍ୟାଗ୍) ପାଖରେ ରଖିଲେ ବ୍ୟବହାରକାରୀଙ୍କୁ କଳାତାଲିକାଭୁକ୍ତ କରାଯିବ। ଟୋଲ୍ ପ୍ଲାଜାର ଦକ୍ଷତା ବୃଦ୍ଧି କରିବା, ଠକେଇ ରୋକିବା, ଭିଡ଼ କମ୍ କରିବା ଏବଂ ଆଗାମୀ ଡିଜିଟାଲ ତଥା ଉନ୍ନତ ଟୋଲ୍ ବ୍ୟବସ୍ଥା ପାଇଁ ପ୍ରସ୍ତୁତ ହେବା ନିମନ୍ତେ ଭାରତୀୟ ଜାତୀୟ ରାଜପଥ ପ୍ରାଧିକରଣ (ଏନ୍ଏଚ୍ଏଆଇ) ଏହି ନିଷ୍ପତ୍ତି ନେଇଛି। ଫାସ୍ଟ୍ୟାଗ୍ର ପ୍ରାମାଣିକତା ଏବଂ ବୈଦ୍ୟୁତିକ ଟୋଲ୍ ସଂଗ୍ରହ (ଇଟିସି) ବ୍ୟବସ୍ଥାର ଅଖଣ୍ଡତା ସୁନିଶ୍ଚିତ କରିବା ତଥା ବାର୍ଷିକ ପାସ୍ ଏବଂ ମଲ୍ଟି-ଲେନ୍ ଫ୍ରି ଫ୍ଲୋ (ଏମ୍ଏଲ୍ଏଫ୍ଏଫ୍) କାର୍ଯ୍ୟକାରୀ ହେବା ପୂର୍ବରୁ ଏହି ପଦକ୍ଷେପ ବହୁ ଗୁରୁତ୍ୱପୂର୍ଣ୍ଣ। ସୁଗମ ଟୋଲ ଆଦାୟ କାର୍ଯ୍ୟ ସୁନିଶ୍ଚିତ କରିବା ଏବଂ ‘ଲୁଜ୍ ଫାସ୍ଟ୍ୟାଗ୍’ ନେଇ ରିପୋର୍ଟ କରିବା ନିମନ୍ତେ ଏନ୍ଏଚ୍ଏଆଇ ଟୋଲ୍ ସଂଗ୍ରହକାରୀ ଏଜେନ୍ସି ପାଇଁ ଏହି ଲୁଜ୍ ଫାସ୍ଟ୍ୟାଗ୍ ବିଷୟରେ ତୁରନ୍ତ ରିପୋର୍ଟ କରିବା ଏବଂ କଳାତାଲିକାଭୁକ୍ତ କରିବା ପାଇଁ ଏହାର ନୀତିକୁ ଆହୁରି ସରଳ କରିଛି। ଏହାକୁ ସାଧାରଣତଃ ଟ୍ୟାଗ୍-ଇନ୍-ହ୍ୟାଣ୍ଡ୍ ମଧ୍ୟ କୁହାଯାଏ। ଲୁଜ୍ ଫାସ୍ଟ୍ୟାଗ୍ର ଅର୍ଥ, କେତେକ ରାଜପଥ ବ୍ୟବହାରକାରୀ ଜାଣିଶୁଣି ଫାସ୍ଟ୍ୟାଗ୍କୁ ସେମାନଙ୍କ ଗାଡ଼ି କାଚ(ୱିଣ୍ଡସିଲ୍ଡ)ରେ ନ ଲଗାଇ ଅଲଗା ରଖିଥାନ୍ତି। ଯାହା ଫଳରେ ଟୋଲ୍ ଶୁଳ୍କ ଭୁଲ ଭାବେ କଟିଥିବା ନେଇ ଅଭିଯୋଗ କରିବା ସହଜ ହୁଏ ଏବଂ ଭିଡ଼ ଓ ଅନୁପାଳନକାରୀଙ୍କ ପାଇଁ ବିଳମ୍ବ ଭଳି ସମସ୍ୟା ସୃଷ୍ଟି ହୁଏ। ଶୀଘ୍ର ସଂଶୋଧନମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ, ଏନ୍ଏଚ୍ଏଆଇ ଏପରି ଉଲ୍ଲଂଘନ ରିପୋର୍ଟ କରିବା ପାଇଁ ଏକ ସ୍ବତନ୍ତ୍ର ଇମେଲ୍ ଆଇଡି ପ୍ରଦାନ କରିଛି। ଏହି ପଦକ୍ଷେପ ଜାତୀୟ ରାଜପଥରେ ବ୍ୟବସ୍ଥାର ନିର୍ଭରଯୋଗ୍ୟତା ଏବଂ ବ୍ୟବହାରକାରୀଙ୍କ ସୁବିଧା ସୁନିଶ୍ଚିତ କରିବା ପାଇଁ ନିଆଯାଇଛି।
More Stories
ରୁଷ ନାଗରିକଙ୍କୁ ମାଗଣା ପର୍ଯ୍ୟଟକ ଭିଜା…..
ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳୀ ଦେଲେ ପୁଟିନ୍…..
ରେପୋ ହାର ହ୍ରାସ…..