ବିରାଟ କୋହଲି ଆଉଟ, ରୋହିତ ଇନ…..

ରିପୋର୍ଟ କାର୍ଡ / ନୂଆଦିଲ୍ଲୀ

ୱେଷ୍ଟଇଣ୍ଡିଜ ବିପକ୍ଷ ଟି-୨୦ ସିରିଜ ପାଇଁ ଭାରତୀୟ ଦଳ ଘୋଷଣା ହୋଇଛି । ଆଜି ୧୮ ଜଣିଆ ଟିମ ଘୋଷଣା କରିଛି ବିସିସିଆଇ । ୨୯ ଜୁଲାଇରୁ ଆରମ୍ଭ ହେବାକୁ ଥିବା ଏହି ୫ ମ୍ୟାଚ ବିଶିଷ୍ଟ ସିରିଜରେ ବିରାଟ କୋହଲିଙ୍କୁ ବାଦ ଦିଆଯାଇଥିବା ବେଳେ ରୋହିତ ଶର୍ମା ଏହି ସିରିଜରେ ଅଧିନାୟକ ଦାୟିତ୍ୱ ତୁଲାଇବେ । ଷ୍ଟାର ବୋଲର ବୁମରାହ, ୟୁଜବେନ୍ଦ୍ର ଚହଲଙ୍କୁ ଏହି ସିରିଜରେ ବିଶ୍ରାମ ମିଳିଛି । ତାଙ୍କ ସ୍ଥାନରେ ରବି ବିଷ୍ନୋଇଙ୍କୁ ଟିମରେ ସ୍ଥାନ ମିଳିଛି । ସେହିପରି ରବିଚନ୍ଦ୍ରନ ଅଶ୍ୱିନୀ, ଅକ୍ଷର ପଟେଲ, କୁଲଦୀପ ଯାଦବ ଓ କେଏଲ ରାହୁଲ ଦଳକୁ ଫେରିଛନ୍ତି । ହେଲେ କୁଲଦୀପ ଓ କେଏଲ ରାହୁଲଙ୍କୁ ଫିଟନେସ ଟେଷ୍ଟ ଦେବାକୁ ହେବ । ୱେଷ୍ଟଇଣ୍ଡିଜ ବିପକ୍ଷ ଟି-୨୦ ସିରିଜ ୨୯ ଜୁଲାଇ – ପ୍ରଥମ ଟି-୨୦ ଖେଳା ହେବ | ୧ ଅଗଷ୍ଟ – ଦ୍ୱିତୀୟ ଟି-୨୦ , ୨ ଅଗଷ୍ଟ – ତୃତୀୟ ଟି-୨୦, ୬ ଅଗଷ୍ଟ – ଚତୁର୍ଥ ଟି-୨୦ , ୭ ଅଗଷ୍ଟ – ପଞ୍ଚମ ଟି-୨୦ ମ୍ୟାଚ ଖେଳା ହେବ ବୋଲି ସୂଚନା ମିଳିଛି | ଭାରତୀୟ ଦଳରେ ସ୍ଥାନ ପାଇଥିବା ଖେଳାଳି ମଧ୍ୟେ ରୋହିତ ଶର୍ମା (ଅଧିନାୟକ), ଇଶାନ କିଷାନ, କେଏଲ ରାହୁଲ, ସୂର୍ଯ୍ୟ କୁମାର ଯାଦବ, ଦିପକ ହୁଡ୍ଡା, ଶ୍ରେୟାସ ଆୟର, ଦିନେଶ କାର୍ତ୍ତିକ, ରିଷବ ପନ୍ତ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଅକ୍ଷର ପଟେଲ, ରବିଚନ୍ଦ୍ରନ ଅଶ୍ୱିନୀ, ରବି ବିଷ୍ନୋଇ, କୁଲଦୀପ ଯାଦବ, ଭୁବନେଶ୍ୱର କୁମାର, ଆଭେଶ ଖାନ୍, ହର୍ଷଲ ପଟେଲ, ଅର୍ଶଦୀପ ସିଂ ।