ବିଶ୍ୱକପ୍‌ କ୍ରିକେଟ ପାଇଁ ଭାରତୀୟ ଦଳ ଘୋଷଣା…..

ରିପୋର୍ଟ କାର୍ଡ / ନୂଆଦିଲ୍ଲୀ

ଭାରତୀୟ କ୍ରିକେଟ ନିୟନ୍ତ୍ରଣ ବୋର୍ଡ ବିସିସିଆଇ ପକ୍ଷରୁ ଆଜି ବିଶ୍ୱକପ୍‌ କ୍ରିକେଟ୍‌ ପାଇଁ ଭାରତୀୟ ଦଳର ଘୋଷଣା କରାଯାଇଛି । ରୋହିତ ଶର୍ମାଙ୍କୁ ଅଧିନାୟକ କରାଯାଇଥିବା ବେଳେ ହାର୍ଦ୍ଦିକ ପାଣ୍ଡ୍ୟାଙ୍କୁ ଉପଅଧିନାୟକ ପଦ ଦିଆଯାଇଛି । ଶୁବମନ୍‌ ଗିଲ୍‌, ବିରାଟ କୋହଲୀ, ଶ୍ରେୟାସ ଆୟର, ଇସାନ୍‌ କିସାନ୍‌, କେଏଲ୍‌ ରାହୁଲ୍‌ ,ସୂର୍ଯ୍ୟକୁମାରଯାଦବ,ରବୀନ୍ଦ୍ର ଜାଦେଜା, ଅକ୍ଷର ପଟେଲ, ଶ୍ରାଦ୍ଦୁଲ ଠାକୁର, ଜସପ୍ରୀତ୍‌ ବୁମରାହ୍‌, ମହମ୍ମଦ ଶାମୀ , ମହମ୍ମଦ ସିରାଜ ଏବଂ କୁଲଦୀପ ଯାଦବଙ୍କୁ ଟିମ୍‌ରେ ସ୍ଥାନ ମିଳିଛି । ଅକ୍ଟୋବର ୫ ତାରିଖରେ ଦିନିକିଆ କ୍ରିକେଟ ବିଶ୍ୱକପ୍‌ ଆରମ୍ଭ ହେବ । ପ୍ରଥମ ମ୍ୟାଚ୍‌ ପୂର୍ବ ଚାମ୍ପିୟାନ ଇଂଲଣ୍ଡ ଏବଂ ନ୍ୟୁଜିଲାଣ୍ଡ ମଧ୍ୟରେ ଖେଳାଯିବ । ଏସିଆ କପ୍ ପରେ ଏବେ ଦିନିକିଆ ବିଶ୍ବକପରେ ୟୁଜବେନ୍ଦ୍ର ଚହଲଙ୍କୁ ୧୫ଜଣିଆ ଦଳରେ ସୁଯୋଗ ମିଳିନାହିଁ। ଏହା ସହ ଏସିଆ କପରେ ଟ୍ରାଭେଲ ରିଜର୍ଭ ଭାବରେ ଦଳରେ ଥିବା ସଞ୍ଜୁ ସାମସନ ମଧ୍ୟ ଏହି ତାଲିକାରୁ ବାଦ ପଡିଛନ୍ତି। ଏପରିକି ତିଳକ ବର୍ମାଙ୍କୁ ମଧ୍ୟ ସୁଯୋଗ ମିଳିନାହିଁ। ଏଥି ସହିତ ଏସିଆ କପରେ ଗୋଟିଏ ବି ମ୍ୟାଚ୍ ଖେଳି ନଥିବା କେ.ଏଲ୍ ରାହୁଲ ବିଶ୍ୱକପ୍ ପାଇଁ ଦଳରେ ସ୍ଥାନ ପାଇଛନ୍ତି।