ଆଜି ଭାରତ-ଆମେରିକା ସୁରକ୍ଷା ପରିଷଦ ବୈଠକ….

ରିପୋର୍ଟ କାର୍ଡ / ନୂଆଦିଲ୍ଲୀ

ଭାରତ-ଆମେରିକାର ଜାତୀୟ ସୁରକ୍ଷା ଉପଦେଷ୍ଟା (ଏନ୍‌ଏସ୍‌ଏ)ସ୍ତରୀୟ ବୈଠକ ଆଜି ଅନୁଷ୍ଠିତ ହେବାକୁ ଯାଉଛି। ଏଥିପାଇଁ ଦୁଇଦିନିଆ କାର୍ଯ୍ୟକ୍ରମର ଆୟୋଜନ କରାଯାଇଛି।‌ ବୈଠକରେ ଦ୍ବିପାକ୍ଷିକ ବୈଷୟିକ-ସାମରିକ ସମ୍ବନ୍ଧ ଦୃଢ଼ କରିବା ନେଇ ବିଭିନ୍ନ ରଣନୀତି ସମ୍ପର୍କରେ ଆଲୋଚନା ହେବ। ସୋମବାରଠାରୁ ‘ଇନିସିଏଟିଭ୍‌ ଅଫ୍‌ କ୍ରିଟିକାଲ୍‌ ଆଣ୍ଡ ଏମର୍ଜିଂ ଟେକ୍‌ନୋଲୋଜିସ୍‌ (ଆଇସିଇଟି)ର ଦୁଇଦିନିଆ ସମ୍ମିଳନୀ ଆରମ୍ଭ ହେଉଛି। ଏଥିରେ ଯୋଗ ଦେବା ପାଇଁ ଆାମରିକାର ସୁରକ୍ଷା ଉପଦେଷ୍ଟା ଜାକ୍‌ ସୁଲିଭାନ୍‌ ଭାରତ ଆସୁଛନ୍ତି। ଏହି ପରିପ୍ରେକ୍ଷୀରେ ଭାରତର ସୁରକ୍ଷା ପରିଷଦ ଉପଦେଷ୍ଟା ଅଜିତ ଡୋଭାଲ୍‌ଙ୍କ ସହ ସୁଲିଭାନଙ୍କ ବିଭିନ୍ନ ପ୍ରସଙ୍ଗରେ ଆଲୋଚନା ହେବା କାର୍ଯ୍ୟକ୍ରମ ରହିଛି। ମିଳିତ ଉଦ୍ୟମରେ ସାମରିକ ସାମଗ୍ରୀ ଓ ଯୁଦ୍ଧାସ୍ତ୍ର ନିର୍ମାଣ ବିଷୟରେ ମଧ୍ୟ ବୈଠକରେ ଆଲୋଚନା ହେବ।