ରିପୋର୍ଟ କାର୍ଡ / ନୂଆଦିଲ୍ଲୀ
ଚନ୍ଦ୍ରଯାନ-୩ ଜୁଲାଇ ୧୪ରେ ଉତ୍କ୍ଷେପିତ ହୋଇଥିବା ବେଳେ ଲୁନା-୨୫ ଅଗଷ୍ଟ ୧୧ରେ ଉଡ଼ାଣ କରିଥିଲା। ୪୦ ଦିନିଆ ଯାତ୍ରା ଶେଷ କରିବା ପରେ ଚନ୍ଦ୍ରଯାନ-୩ ଅଗଷ୍ଟ ୨୩ରେ ଚନ୍ଦ୍ରପୃଷ୍ଠରେ ଅବତରଣ କରିବ ବୋଲି ଆଶା କରାଯାଉଛି। ଏହାକୁ ନେଇ ଜଣେ ଭାରତୀୟ ମହାକାଶ ବିଜ୍ଞାନୀ କହିଛନ୍ତି ଯେ ପଦ୍ଧତି, ମାର୍ଗ ଏବଂ ପରୀକ୍ଷଣ ଦୃଷ୍ଟିରୁ ରୁଷ୍ର ଲୁନା-୨୫ଠାରୁ ଭାରତ ଚନ୍ଦ୍ରଯାନ-୩ ବହୁତ ଭିନ୍ନ। ଚନ୍ଦ୍ରଯାନ-୩ର ଦୁଇଦିନ ଆଗରୁ ଲୁନା ଅଗଷ୍ଟ ୨୧ରେ ଚନ୍ଦ୍ରରେ ଅବତରଣ କରିବ ବୋଲି କୁହାଯାଉଛି। ତେବେ ଉଭୟ ମିସନ ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିବାକୁ ଚେଷ୍ଟା କରିବ। ଭାରତୀୟ ମହାକାଶ ଅନୁସନ୍ଧାନ ସଂଗଠନର ଜଣେ ବୈଜ୍ଞାନିକ ସ୍ପଷ୍ଟ କରିଛନ୍ତି। ଅନ୍ୟପକ୍ଷରେ ଲୁନା-୨୫ ହେଉଛି ଏକ ଉଚ୍ଚ ଶକ୍ତିସମ୍ପନ୍ନ ରକେଟ୍ ଯାହାରକି ଅଧିକ ଇନ୍ଧନ କ୍ଷମତା ରହିଛି। ବାହ୍ୟ ସାହାଯ୍ୟ ଉପରେ ନିର୍ଭର ନକରି ଏହା ମହାକାଶଯାନକୁ ଶକ୍ତି ଦେବାକୁ ସକ୍ଷମ। ୪୭ ବର୍ଷ ପରେ ଚନ୍ଦ୍ରର ଦକ୍ଷିଣ ମେରୁରେ ନରମ ଅବତରଣ କରିବାରେ ପ୍ରଥମ ରାଷ୍ଟ୍ର ହେବା ଉଦ୍ଦେଶ୍ୟରେ ଲୁନା-୨୫ ସହିତ ରୁଷ୍ ଅଭିଯାନ ଆରମ୍ଭ କରିଛି। ଏକ ସୋୟୁଜ୍ ୨.୧ ରକେଟ୍ ଅଗଷ୍ଟ ୧୦ରେ ମସ୍କୋର ପୂର୍ବକୁ ୩,୪୫୦ ମାଇଲ୍ (୫,୫୫୦ କିଲୋମିଟର) ଭୋଷ୍ଟୋଚନି କସ୍ମୋଡ୍ରୋମରୁ ଲୁନା-୨୫କୁ ଉତ୍କ୍ଷେପଣ କରିଥିଲା। ଲୁନା-୨୫ ପ୍ରାୟ ଏକ ଛୋଟ କାର ଆକାରର, ଯାହାର ଲ୍ୟାଣ୍ଡର୍ ଅଗଷ୍ଟ ୨୧ରେ ଚନ୍ଦ୍ରରେ ଅବତରଣ କରିବ ବୋଲି ଆଶା କରାଯାଏ। ଦକ୍ଷିଣ ମେରୁରେ କୌଣସି ଦେଶ ଆଜି ପର୍ଯ୍ୟନ୍ତ ନରମ ଅବତରଣ କରିନାହାନ୍ତି। ୨୦୧୯ରେ ଭାରତର ଚନ୍ଦ୍ରଯାନ-୨ ବିଫଳ ହୋଇଥିଲା। ଭାରତର ଉଚ୍ଚାଭିଳାଷୀ ତୃତୀୟ ଚନ୍ଦ୍ର ମିସନ ‘ଚନ୍ଦ୍ରଯାନ-୩’ ଅଗଷ୍ଟ ୨୩ରୁ ୨୪ ମଧ୍ୟରେ ଚନ୍ଦ୍ରର ଦକ୍ଷିଣ ମେରୁ ନିକଟରେ ସୁରକ୍ଷିତ ଭାବରେ ଅବତରଣ କରିବ ବୋଲି ଆଶା କରାଯାଉଛି।
More Stories
ଆଜି ଦେଶବ୍ୟାପି ୬ଘଣ୍ଟିଆ ଧର୍ମଘଟ……
୩୦ ସପ୍ତାହର ଗର୍ଭପାତ ପାଇଁ ଅନୁମତି ଦେଲେ ସୁପ୍ରିମକୋର୍ଟ……
ନମାଜ ସମୟରେ ବିସ୍ଫୋରଣ,୧୦ ମୃତ୍ୟୁ…..