ନଦୀକୁ ଖସିଲା ଯବାନଙ୍କ ବସ୍‌, ୬ ମୃତ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଜମ୍ମୁକଶ୍ମୀରରେ ନଦୀକୁ ଖସି ପଡିଛି ଯବାନଙ୍କ ବସ୍‌ | ଏଥିରେ ୬ ଜଣ ଆଇଟିବିପି ଯବାନଙ୍କ ମୃତ୍ୟୁ ଘଟିଛି। ବସ୍‌ ଟି ୩୯ ଜଣ ସୁରକ୍ଷାକର୍ମୀଙ୍କୁ ନେଇ ଯାଉଥିବା ସମୟରେ ବ୍ରେକ୍ ଫେଲ୍ ହେବାରୁ ପହଲଗାମର ଫିସଲାନ୍‌ରେ ଥିବା ଏକ ଘାଟି ତଳକୁ ଖସି ନଦୀରେ ପଡ଼ିଛି । ଏହି ବସ୍ ପଛରେ ଆଇଟିବିପି ଯବାନଙ୍କୁ ନେଇ ଆଉ ଏକ ବସ୍ ଆସୁଥିଲା। ସେଥିରେ ଥିବା ଯବାନମାନେ ଆହତ ଯବାନଙ୍କୁ ଉଦ୍ଧାର କରିଥିଲେ। ଏୟାରଲିଫ୍ଟ କରାଯାଇ ଶ୍ରୀନଗର ଆର୍ମି ହସ୍ପିଟାଲରେ ଭର୍ତ୍ତି କରାଯାଇଛି। ସେମାନଙ୍କ ମଧ୍ୟରୁ ଅନେକଙ୍କ ଅବସ୍ଥା ଗୁରୁତର ରହିଛି।