ନକଲି ପୋଲିସ ବୁଲାଇଲେ କଳାକନା…..

ରିପୋର୍ଟ କାର୍ଡ / କଳାହାଣ୍ଡି

ପୋଲିସ ବର୍ଦ୍ଦି ପିନ୍ଧି ଲୋକଙ୍କୁ ଧମକ ଦେଇ ଲକ୍ଷାଧିକ ଟଙ୍କା ଲୁଟୁଥିଲେ। ମାତ୍ର ନକଲି ପୋଲିସ ସାଜିଥିବା ୭ ଜଣ ଲୁଟେରାଙ୍କୁ ଧରି ଅସଲି ପୋଲିସ ଜିମା ଦେଇଛନ୍ତି ଲୋକେ। ଏପରି ଏକ ଘଟଣା କଳାହାଣ୍ଡି ଓ କନ୍ଧମାଳ ଜିଲ୍ଲା ସୀମାବର୍ତ୍ତୀ ମୋହନ ଗିରି ଫାଣ୍ଡି ଅନ୍ତର୍ଗତ ରୁବେନ ଗାଁରେ ଘଟିଛି । ୭ ଜଣ ଲୁଟେରା ପୋଲିସ ୟୁନିଫର୍ମ ପିନ୍ଧି ରୁବେନ ଗାଁର ରୀପା ମାଝୀଙ୍କ ଘରକୁ ଯାଇଥିଲେ। ଜଣେ ଯୁବକ ଓ ଜଣେ ଯୁବତୀଙ୍କୁ ଘରେ ଲୁଚାଇ ରଖିଛ କହି ଧମକ ଚମକ ଦେବା ସହ ନାଲି ଆଖି ଦେଖାଇଥିଲେ। ଏଥିସହ ଆମେ ସର୍ଚ୍ଚ କରିବୁ କହି ଘରେ ପଶିଲେ। ଏହାପରେ ସେମାନେ ରୀପାଙ୍କ ଘରେ କଳାକନା ବୁଲାଇ ତାଙ୍କ ବାକ୍ସରୁ ନଗଦ ୨ ଲକ୍ଷ ୪୦ ହଜାର ଟଙ୍କା ଲୁଟ୍ କରି ଫେରାର ହୋଇଥିଲେ। ଏନେଇ ସନ୍ଦେହ ହେବାରୁ ସ୍ଥାନୀୟ ଲୋକେ ବୋଲେରୋ ଗାଡ଼ି ସହ ୩ ଜଣ ଡକାୟତଙ୍କୁ କାବୁ କରିଥିଲେ। ଏହାପରେ ସେମାନେ ଉକ୍ତ ୩ ଜଣଙ୍କୁ ମୋହନଗିରି ଫାଣ୍ଡିରେ ଜିମା ଦେଇଛନ୍ତି ଲୋକେ। ଲୁଟେରା ମାନେ କନ୍ଧମାଳ ଜିଲ୍ଲାର ହୋଇଥିବା ବେଳେ ପୋଲିସ ଅଧିକ ତଦନ୍ତ ଜାରି ରଖିଛି । ବାକି ୪ ଜଣ ଟଙ୍କା ଧରି ଫେରାର୍ ହୋଇଯାଇଥିବା ବେଳେ ପୋଲିସ ବିଭିନ୍ନ ସ୍ଥାନରେ ସେମାନଙ୍କୁ ଖୋଜିବାକୁ ଚଢ଼ାଉ କରୁଛି।