ମିଶାଇଲ୍ ମାଡ଼ରେ ଖାମେନେଇ ମୃତ, ୪୦ ଦିନିଆ ଶୋକ ଘୋଷଣା…..

ରିପୋର୍ଟ କାର୍ଡ / ନୂଆଦିଲ୍ଲୀ

ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନେଇଙ୍କ ମୃତ୍ୟୁ ଏବେ ଆନୁଷ୍ଠାନିକ ଭାବରେ ନିଶ୍ଚିତ ହୋଇଛି। ରିପୋର୍ଟ ଅନୁଯାୟୀ, ଖାମେନେଇଙ୍କ ମୃତ୍ୟୁ ଆମେରିକା ଏବଂ ଇସ୍ରାଏଲର ମିଳିତ ବିମାନ ଆକ୍ରମଣରେ ହୋଇଥିଲା। ୮୬ ବର୍ଷୀୟ ଖାମେନେଇ ଏକ ଗୁପ୍ତ ଏବଂ ସୁରକ୍ଷିତ ସ୍ଥାନରେ ତାଙ୍କର ଦୁଇଜଣ ବିଶ୍ୱସ୍ତ ସହାୟକଙ୍କ ସହ ସାକ୍ଷାତ କରୁଥିବା ସମୟରେ ଏହି ଆକ୍ରମଣ ହୋଇଥିଲା। ସୂତ୍ର ଅନୁଯାୟୀ ସେ ସୁରକ୍ଷା ପରିଷଦ ପରାମର୍ଶଦାତା ଅଲି ଶାମଖାନି ଏବଂ ଆଇଆରଜିସି ମୁଖ୍ୟ ମହମ୍ମଦ ପାକପୁରଙ୍କ ସହ ସାକ୍ଷାତ କରୁଥିଲେ। ଗୁପ୍ତଚର ସଂସ୍ଥାଗୁଡ଼ିକ ଦୀର୍ଘ ସମୟ ଧରି ଅଲି ଶାମଖାନିଙ୍କୁ ଟ୍ରାକ୍ କରୁଥିଲେ। ଏବଂ ସେ ଖାମେନିଙ୍କୁ ଭେଟିବାକୁ ପହଞ୍ଚିବା ମାତ୍ରେ ଏହି ଘାତକ ଆକ୍ରମଣ କରାଯାଇଥିଲା। ଏହି ହାଇ-ପ୍ରୋଫାଇଲ୍ ଅପରେସନର ସଫଳତା ପରେ, ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ପ୍ରଥମେ ଖାମେନିଙ୍କ ମୃତ୍ୟୁ ଘୋଷଣା କରିଥିଲେ। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହାର କିଛି ସମୟ ପରେ ଏହି ଖବରକୁ ନିଶ୍ଚିତ କରିଥିଲେ। ସାର୍ବଜନୀନ ଘୋଷଣା ପୂର୍ବରୁ ରାଷ୍ଟ୍ରପତି ଟ୍ରମ୍ପଙ୍କୁ ଖାମେନେଇଙ୍କ ମୃତଦେହ ଦେଖାଯାଇଥିଲା। ସମଗ୍ର ଅପରେସନଟି ତେହେରାନ ମଧ୍ୟରେ ଏକ ସୁରକ୍ଷିତ ବଙ୍କର ଭଳି ସ୍ଥାନରେ ଅତ୍ୟନ୍ତ ଗୋପନୀୟତାରେ କରାଯାଇଥିଲା। ଏହି ଆକ୍ରମଣ ସମଗ୍ର ଇରାନ ପ୍ରଶାସନକୁ ଦୋହଲାଇ ଦେଇଛି।