ସେଲ୍‌ଫି ନେଲା ଜୀବନ…..

ରିପୋର୍ଟ କାର୍ଡ / ଖୋର୍ଦ୍ଧା

ଆଜିକାଲି ଯୁବପିଢିଙ୍କୁ ଫଟୋ ଉଠାଇବା ବିଡ଼ିଓ କରିବା ବହୁତ ସଉକ | ଏହି ଫଟୋ ଭିଡିଓ କରିବା ନିଶା ଏତେ ବଢିଯାଇଛି ଯେ ନିଜ ଜୀବନକୁ ବାଜିଲଗାଇଦେଉଛନ୍ତି | ସେଲ୍‌ଫି ନେଲାବେଳେ ଜଣେ ଯୁବତୀଙ୍କର ମୃତ୍ୟୁ ହୋଇଛି | ଏଭଳି ଏକ ଘଟଣା ସାମ୍ନାକୁ ଆସିଛି କି ଖୋର୍ଦ୍ଧା ତାପଙ୍ଗ ରେଳ ଷ୍ଟେସନ୍ରୁ । ଷ୍ଟେଶନରେ ଠିଆ ହୋଇଥିବା ଏକ ମାଲ୍‌ବାହୀ ଟ୍ରେନ୍‌ ଉପରେ ଚଢ଼ି ଜଣେ ଯୁବତୀ ସେଲ୍‌ଫି ନେଉଥିବା ବେଳେ ବିଦ୍ୟୁତତାର ସଂସ୍ପର୍ଶରେ ଆସି ଗୁରୁତର ହୋଇପଡ଼ିଥିଲେ। ସଙ୍ଗେ ସଙ୍ଗେ ତାଙ୍କୁ ଉଦ୍ଧାର କରାଯାଇ ପ୍ରଥମେ ଖୋର୍ଦ୍ଧା ମେଡ଼ିକାଲକୁ ନିଆଯାଇଥିଲା | ସେଠାରେ ସ୍ୱାସ୍ଥ୍ୟ ଅବସ୍ଥା ଅଧିକ ଗୁରୁତର ହେବାରୁ ଭୁବନେଶ୍ବର ମେଡିକାଲକୁ ନେବା ବାଟରେ ତାଙ୍କର ମୃତ୍ୟୁ ଘଟିଥିବାନେଇ ଖୋର୍ଦ୍ଧା ରୋଡ୍‌ ଆର୍‌ପିଏଫ୍‌ ପକ୍ଷରୁ ସୂଚନା ମିଳିଛି। ବର୍ତ୍ତମାନ ସୁଦ୍ଧା ଏହି ଯୁବତୀଙ୍କ ପରିଚୟ ମିଳିପାରିନାହିଁ।