ମୋବାଇଲ ଗେମ୍‌ ହେଲା କାଳ,୪ ଯୁବକଙ୍କ ଉପରେ ଚଢ଼ିଗଲା ଟ୍ରେନ୍‌…..

ରିପୋର୍ଟ କାର୍ଡ / ନୂଆଦିଲ୍ଲୀ

ଯୁବପିଢ଼ିଙ୍କୁ ବିପଦ ମୁହଁକୁ ଟାଣିନେଉଛି ମୋବାଇଲ୍‌ ଗେମ୍‌ | ଏହି ମୋବାଇଲ୍‌ ଗେମ୍‌ ଯୁବପିଢ଼ିଙ୍କ ପାଇଁ କାଳ ହେଉଛି | ଗେମ ଅନେକ ଯୁବବର୍ଗଙ୍କ ଜୀବନ ନେଉଛି | ଚାରି ଜଣ ଯୁବକ ରେଳ ଧାରଣା ଉପରେ ବସି ମୋବାଇଲ୍‌ରେ ଗେମ୍‌ ଖେଳୁଥିବା ବେଳେ ସେମାନଙ୍କ ଉପରେ ଏକ ଟ୍ରେନ୍‌ ଚଢ଼ି ଯାଇଛି। ଘଟଣାସ୍ଥଳରେ ୪ ଜଣଙ୍କ ମୃତ୍ୟୁ ହୋଇଛି। ଏଭଳି ଏକ ଘଟଣା ଘଟିଛି ପଶ୍ଚିମବଙ୍ଗର ଉତ୍ତର ଦିନାଜପୁରରେ | ଘଟଣାଟି ରବିବାର ରାତିରେ ଉତ୍ତର ଦିନାଜପୁର ଜିଲ୍ଲାର ରେ ଘଟିଛି। ନିଉ ଜଲପାଇଗୁଡ଼ିଠାରୁ ୫୦ କିଲୋମିଟର ଦୂର ଚୋପଡ଼ା ନିକଟରେ ରେଳଧାରଣା ଉପରେ ଏହି ଅଘଟଣ ଘଟିଥିବା ଖବର ପାଇ ଜିଆର୍‌ପି ପୋଲିସ ରାତି ୧୦ଟାରେ ଘଟଣାସ୍ଥଳରେ ପହଞ୍ଚିଥିଲା। ଅନ୍ଧାର ହେତୁ ମୃତଦେହ ଠାବ ହୋଇପାରି ନଥିଲା। ସୋମବାର ସକାଳେ ମୃତଦେହ ଠାବ ହୋଇଛି। ଗତରାତିରେ ୧୩-୧୪ ବର୍ଷର ୪ ଜଣ କିଶୋର ରେଳ ଧାରଣା ଉପରେ ବସି ମୋବାଇଲରେ ଖେଳୁଥିଲେ। ଏହି ସମୟରେ ଟ୍ରେନ୍‌ ଆସିଥିଲା। ‌ଖେଳରେ ବ୍ୟସ୍ତ ଥିବାରୁ ସେମାନେ ଜାଣିପାରି ନଥିଲେ। ଟ୍ରେନ୍‌ ଧକ୍କାରେ ୪ ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା।