ସୁନିତା ଙ୍କୁ ପୃଥିବୀ କୁ ସ୍ୱାଗତ କଲେ ମୋଦି…..

ରିପୋର୍ଟ କାର୍ଡ / ନୂଆଦିଲ୍ଲୀ

ସୁରକ୍ଷିତ ଭାବେ ପୃଥିବୀକୁ ଫେରିବାକୁ ନେଇ ଭାରତୀୟ ବଂଶୋଦ୍ଭବ ନାସା ମହାକାଶଚାରୀ ସୁନିତା ୱିଲିୟମ୍‌ସଙ୍କୁ ଅଭିନନ୍ଦନ ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ‘ଏକ୍ସ’ରେ ସେ ଲେଖିଛନ୍ତି, ‘‘ଆପଣଙ୍କୁ ସ୍ଵାଗତ, କ୍ରୁ୯! ପୃଥିବୀ ଆପଣଙ୍କୁ ମନେ ପକାଉଥିଲା।’’ ପ୍ରଧାନମନ୍ତ୍ରୀ ଲେଖିଛନ୍ତି, ‘‘ଏହା ସେମାନଙ୍କର ଦୃଢ଼ତା, ସାହସ ଏବଂ ଅସୀମ ମାନବୀୟ ପ୍ରତିବଦ୍ଧତାର ପରୀକ୍ଷା ଥିଲା। ସୁନିତା ୱିଲିୟମ୍ସ ଏବଂ କ୍ରୁ୯ ମହାକାଶଚାରୀମାନେ ପୁଣି ଥରେ ଆମକୁ ଦେଖାଇଛନ୍ତି ଯେ, ଦୃଢ଼ ଅଧ୍ୟବସାୟର ପ୍ରକୃତ ଅର୍ଥ କ’ଣ। ବିଶାଳ ଅଜଣା ପରିସ୍ଥିତିର ସାମ୍ନାରେ ସେମାନଙ୍କର ଅଟଳ ଦୃଢ଼ ନିଷ୍ପତ୍ତି ଲକ୍ଷ ଲକ୍ଷ ଲୋକଙ୍କୁ ସର୍ବଦା ପ୍ରେରଣା ଦେବ।’’ ପ୍ରଧାନମନ୍ତ୍ରୀ ମୋଦୀ କ୍ରୁ୯ଙ୍କ ପ୍ରତ୍ୟାବର୍ତ୍ତନ ଅଭିଯାନ ସମ୍ପୂର୍ଣ୍ଣ ହେବାପରେ ତାଙ୍କ ବାର୍ତ୍ତାରେ କହିଛନ୍ତି, ‘‘ମହାକାଶ ଅନୁସନ୍ଧାନର ଅର୍ଥ ହେଉଛି ମାନବ ସାମର୍ଥ୍ୟର ସୀମାକୁ ଆଗକୁ ବଢାଇବା, ସ୍ୱପ୍ନ ଦେଖିବା ଏବଂ ସେହି ସ୍ୱପ୍ନକୁ ବାସ୍ତବରେ ପରିଣତ କରିବାକୁ ସାହସ କରିବା।’’ସୁନିତା ୱିଲିୟମ୍ସଙ୍କ ବିଷୟରେ ପ୍ରଧାନମନ୍ତ୍ରୀ କହିଛନ୍ତି ଯେ, ‘‘ସେ ଜଣେ ପଥ ପ୍ରଦର୍ଶକ ଏବଂ ଆଇକନ୍। ସେ ତାଙ୍କ କ୍ୟାରିୟରରେ ଏହି ଭାବନାର ଉଦାହରଣ ଦେଇଛନ୍ତି। ତାଙ୍କ ନିରାପଦ ପ୍ରତ୍ୟାବର୍ତ୍ତନକୁ ନିଶ୍ଚିତ କରିବା ପାଇଁ ନିରନ୍ତର ପରିଶ୍ରମ କରିଥିବା ସମସ୍ତଙ୍କ ପାଇଁ ଆମେ ଖୁବ୍‌ ଗର୍ବିତ। ସେ ଦର୍ଶାଇଛନ୍ତି ଯେ, ଯେତେବେଳେ ସଠିକତା ଆବେଗ ସହ ମିଶେ ଏବଂ କୌଶଳ ଦୃଢତା ସହ ମିଶେ ସେତେବେଳେ କ’ଣ ହୁଏ।’’