ପୁଅର କଟୁରି ଚୋଟରେ ମାଆର ମୃତ୍ୟୁ…..

ରିପୋର୍ଟ କାର୍ଡ / ବାଲିଅନ୍ତା (ପୀତବାସ ଦାଶ)

ବାଲିଅନ୍ତା ଥାନା ଅଧୀନ ଖମଙ୍ଗଶାସନ ଗ୍ରାମରେ ଶୁକ୍ରବାର ସନ୍ଧ୍ୟାରେ ଏକ ଅଭାବନୀୟ ଘଟଣା ଘଟିଛି l ନାତିର ଜନ୍ମଦିନ ପାଳନ ପୂର୍ବରୁ ପୁଅର କଟୁରି ଚୋଟରେ ମାଆର ମୃତ୍ୟୁ ଘଟିଛି l ମୃତ ମହିଳା ହେଲେ ରାଜକିଶୋର ସ୍ବାଇଙ୍କ ପତ୍ନୀ ସଂଯୁକ୍ତା ସ୍ୱାଇଁ ( ୬୦) l ନିଶା ଖାଇବାକୁ ପଇସା ନଦେବାରୁ ସଂଯୁକ୍ତାଙ୍କୁ ସାନ ପୁଅ ବାଦଲ କଟୁରିରେ ବାରମ୍ବାର ଆଘାତ ଦେଇଥିଲା l ଫଳରେ ସଂଯୁକ୍ତାଙ୍କ ଅବସ୍ଥା ଗୁରୁତର ହୋଇପଡ଼ିଥିଲା l ପରିବାର ଲୋକେ ସଂଯୁକ୍ତାଙ୍କୁ ଚିକିତ୍ସା ନେଇ ପ୍ରଥମେ ବାଲିପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦରେ ଭର୍ତି କରିଥିଲେ ହେଲେ ଅବସ୍ଥା ସଂକଟା ପର୍ଣ୍ଣ ହେବାରୁ ତାଙ୍କୁ କ୍ୟାପିଟାଲ ହସ୍ପିଟାଲ ସ୍ଥାନାନ୍ତର କରାଯାଇଥିଲା l ହେଲେ ଡାକ୍ତର ଚିକିତ୍ସାଧୀନ ଅବସ୍ଥାରେ ସଂଯୁକ୍ତାଙ୍କୁ ମୃତ ଘୋଷଣା କରିଥିଲେ l ଖବର ପାଇ ବାଲିଅନ୍ତା ଥାନା ପୁଲିସ ଗ୍ରାମରେ ପହଂଚି ତଦନ୍ତ କରୁଛି l ଏହା ସହିତ ବାଦଲକୁ ଘଟଣାସ୍ଥଳରୁ ଥାନାକୁ ନେଇ ଅଟକ ରଖି ପଚରାଉଚରା କରୁଛି l ସୂଚନା ଅନୁସାରେ ରାଜକିଶୋରଙ୍କର ୩ ପୁଅ l ବାଦଲ ଅବିବାହିତ l ସେ ଜଣେ ନିଶାଡି l ରାଜକିଶୋର ନିକଟରେ ଜମି ବିକ୍ରି କରିଥିଲେ l କିଛି ଟଙ୍କାରେ ଘର କାମ କରିଥିଲେ l ବଡ଼ ପୁଅ ଚନ୍ଦନଙ୍କର ପୁଅର ( ନାତି ) ଆସନ୍ତାକାଲି ଜନ୍ମ ଦିନ ପାଳନ ହୋଇଥାନ୍ତା l ଏନେଇ ଘର ବନ୍ଧୁବlନ୍ଧବଙ୍କ ଗହଳି ଚହଳିରେ ଫାଟି ପଡୁଥିଲା l ହେଲେ ଏହି ଖୁସି ବେଶି ସମୟ ରହିଲା ନାହିଁ l ବାଦଲ ନିଶା ଖାଇବlକୁ ସଂଯୁକ୍ତlଙ୍କୁ ଟଙ୍କା ମାଗିଥିଲେ l ରାତି ପାହିଲେ ପୁତୁରାର ଜନ୍ମ ଦିନ ଟଙ୍କା ଦେଇପାରିବେ ନାହିଁ ବୋଲି ସଂଯୁକ୍ତା କହିଥିଲେ l ଏନେଇ ଉଭୟ ସଂଯୁକ୍ତା ଏବଂ ବାଦଲଙ୍କ ମଧ୍ୟରେ ବଚସା ହୋଇଥିଲା l ଏଥିରେ ଉତକ୍ଷିପ୍ତ ହୋଇ ବାଦଲ ସଂଯୁକ୍ତାଙ୍କୁ କତୁରୀରେ ଆକ୍ରମଣ କରିବାରୁ ସେ ଗୁରୁତର ହୋଇପଡିଥିଲେ |