ଭାରତକୁ ଆସିବ ଓମିକ୍ରନ ଭ୍ୟାକ୍ସିନ……

ରିପୋର୍ଟ କାର୍ଡ / ନୂଆଦିଲ୍ଲୀ

ଆସନ୍ତା ୬ ମାସ ଭିତରେ ଭାରତକୁ ଆସିବ ଓମିକ୍ରନ ଭ୍ୟାକ୍ସିନ | ଓମିକ୍ରନ ଭ୍ୟାରିଏଣ୍ଟ ପାଇଁ ପ୍ରଥମ ଦେଶ ଭାବେ ବ୍ରିଟେନ୍ ଟିକା ବାହାର କରିଛି। ଆଉ ଏହାର କ୍ଲିନିକାଲି ପରୀକ୍ଷଣ ପରେ ଭିଭାଲେଣ୍ଟ ଭ୍ୟାକ୍ସିନକୁ ବୁଷ୍ଟର ଡୋଜ ଭାବରେ ବ୍ୟବହାର କରିବାକୁ ଅନୁମତି ଦେଇଛି। ଏପରି ଅନୁମତି ଦେବାରେ ବ୍ରିଟେନ୍ ବିଶ୍ୱରେ ପ୍ରଥମ। ତେବେ ଖୁବ୍‌ଶୀଘ୍ର ଭାରତକୁ ମଧ୍ୟକ ଓମିକ୍ରନ ନିରୋଧୀ ଟିକା ଆସିବ ବୋଲି ଭ୍ୟାକ୍ସିନ ନିର୍ମାତା କମ୍ପାନୀ ସେରମ ଇନଷ୍ଟିଚ୍ୟୁଟ୍‌ର ମୁଖ୍ୟ ଆଦର ପୁନାୱାଲା କହିଛନ୍ତି। ଆସନ୍ତା ୬ ମାସ ଭିତରେ ଓମିକ୍ରନର ସବ୍‌ ଭ୍ୟାରିଏଣ୍ଟ ବିଏ୫ ପାଇଁ ଟିକା ଆସିବ ବୋଲି ଗଣମାଧ୍ୟମକୁ ସାକ୍ଷାତକାର ଦେଇ ଆଦର ପୁନାୱାଲା ହିଛନ୍ତି | ତେବେ ଭାରତରେ ଏହି ଭ୍ୟାକ୍ସିନ୍‌ରେ ଅଲଗା ଭାବେ ପରୀକ୍ଷଣ କରାଯିବ। ଏଥିପାଇଁ ଆମେ ଭାରତ ସରକାରଙ୍କ ସହ ଆଲୋଚନା ଚଳାଇଛୁ। ତେଣୁ ଚଳିତ ବର୍ଷ ଶେଷ ସୁଧା ଆମ ପାଖରେ ଭ୍ୟାକ୍ସିନ ପହଞ୍ଚିବ ଆମର ଆଶା ବୋଲି ପୁନାୱାଲା କହିଛନ୍ତି। ତା ସହ ଓମିକ୍ରନର ସବ ଭ୍ୟାରିଏଣ୍ଟ ଏବେ ବି ଦିଲ୍ଲୀରେ ପ୍ରଭାବ ଜାରି ରଖିଛି । ଯଦିଓ ଡାକ୍ତରଖାନାରେ ଭର୍ତ୍ତି ହେବା ମାମାଲ କମ୍ ଦେଖାଯାଉଛି ତେବେ ଏହାକୁ ହାଲୁକା ଭାବରେ ନେବା କଥା ନୁହେଁ ବୋଲି ପୁନାୱାଲା କହିଛନ୍ତି। ଅଗଷ୍ଟ ୧୫ ଓମିକ୍ରନ ଭ୍ୟାରିଏଣ୍ଟ ବିରୋଧରେ ପ୍ରଥମ ଟିକାକୁ ଅନୁମତି ଦେଇଛି ଗ୍ରେଟ ବ୍ରିଟେନ। ବିଶ୍ୱର ପ୍ରଥମ ଦେଶ ଭାବେ ବ୍ରିଟେନ୍ ଓମିକ୍ରନ ସଂକ୍ରମଣ ରୋକିବାକୁ ମଡର୍ଣ୍ଣା କମ୍ପାନୀ ତିଆରି କରିଥିବା ‘ଭିଭାଲେଣ୍ଟ ଭ୍ୟାକ୍ସିନ’କୁ ପ୍ରୟୋଗ ପାଇଁ ଅନୁମତି ଦେଇଛି। ବୟସ୍କଙ୍କୁ ବୁଷ୍ଟର ଡୋଜ୍ ଭାବେ ଏହି ଟିକା ଦିଆଯିବ ବୋଲି ୟୁକେ ମେଡିସିନ ରେଗୁଲେଟୋରୀ(MHRA) ଅନୁମତି ଦେଇଥିବା ସୂଚନା ମିଳିଛି। ଭିଭାଲେଣ୍ଟ ଭ୍ୟାକ୍ସିନର ଗବେଷଣାତ୍ମକ ପରୀକ୍ଷଣ ରିପୋର୍ଟ ଦେଖିବା ପରେ MHRA ଏହାର ବ୍ୟବହାର ପାଇଁ ଅନୁମତି ଦେଇଛି। ଏହି ଭ୍ୟାକ୍ସିନ ଉଭୟ ବିଏ.୧ ଓ ଓମିକ୍ରନ ଓ ୨୦୨୦ରେ ବାହାରିଥିବା ମୂଳ ଭାଇରସ ବିରୋଧରେ ଯଥେଷ୍ଟ ରୋଗପ୍ରତିରୋଧକ ଶକ୍ତି ବଢ଼ାଉଛି ବୋଲି ଗବେଷଣାରୁ ଜଣାପଡ଼ିଛି। କେବେଳ ଏତିକି ନୁହେଁ ଓମିକ୍ରନର ସବ ଭ୍ୟାରିଏଣ୍ଟ ବିଏ.୪ ଏବଂ ବିଏ.୫ ବିରୋଧରେ ମଧ୍ୟ ଏହି ଟିକା ଭଲ ପ୍ରଦର୍ଶନ କରିଛି।