ବେଶରମ୍ ହେଲେ ଦୀପିକା…..

ରିପୋର୍ଟ କାର୍ଡ / ନୂଆଦିଲ୍ଲୀ

ରିଲିଜ ପୂର୍ବରୁ ବହୁ ପ୍ରତିକ୍ଷିତ ଫିଲ୍ମ ପଠାନକୁ ନେଇ ବିବାଦ ଦେଖାଦେଇଛି । ଫିଲ୍ମର ପ୍ରଥମ ଗୀତ ବେଶରମ୍ ରଙ୍ଗ ରିଲିଜ ହେବା ପରେ ପରେ ସୃଷ୍ଟି ହୋଇଛି ହଙ୍ଗାମା। ଫିଲ୍ମକୁ ସୋଶାଲ ମିଡିଆରେ ବୟକଟ୍ କରିବା ପାଇଁ ଦାବି ହେଉଛି । ଫିଲ୍ମକୁ ବ୍ୟାନ୍ କରିବା ପାଇଁ ମଧ୍ୟ ଦାବି ହେଉଥିବା ବେଳେ ବିଜେପି ସରକାରର ଜଣେ ମନ୍ତ୍ରୀ ସହ ସ୍ୱର ମିଳାଇଛନ୍ତି। ଗୀତରେ ଦୀପିକା ପାଦୁକୋନ ପିନ୍ଧିଥିବା ଗେରୁଆ ରଙ୍ଗର ବିକିନିକୁ ନେଇ ସୃଷ୍ଟି ହୋଇଛି ବିବାଦ। ମଧ୍ୟପ୍ରଦେଶ ମନ୍ତ୍ରୀ ନରୋତ୍ତମ ମିଶ୍ରା ଫିଲ୍ମର ଏହି ସିନ୍‌କୁ ବଦଳାଇବା ପାଇଁ ଦାବି କରିଛନ୍ତି। ନଚେତ ଏହାକୁ ମଧ୍ୟପ୍ରଦେଶରେ ବ୍ୟାନ୍ କରିବାକୁ ସେ ଚେତାବନୀ ଦେଇଛନ୍ତି। କେବଳ ସେତିକି ନୁହେଁ ଶାହାରୁଖ ଓ ଦୀପିକାଙ୍କ ଅନ୍‌ସ୍କ୍ରିନ୍ ରୋମାନ୍ସକୁ ନେଇ ମଧ୍ୟ ମନ୍ତ୍ରୀ ଆପତ୍ତିି ଉଠାଇଛନ୍ତି।ଉଲ୍ଲେଖଯୋଗ୍ୟ, ଆସନ୍ତା ବର୍ଷ ଜାନୁଆରୀ ୨୫ରେ ଫିଲ୍ମ ପଠାନ ରିଲିଜ ହେବ। ଫିଲ୍ମର ପ୍ରଥମ ଗୀତ ରିଲିଜ ହେବା ପରେ ଏହା ସୋଶାଲ ମିଡିଆରେ ଭାଇରାଲ ହୋଇଥିଲା। ଗୀତରେ ଶାହାରୁଖ ଓ ଦୀପିକାଙ୍କ ରୋମାନ୍ସକୁ ଫ୍ୟାନ୍‌ମାନେ ପ୍ରଶଂସା ମଧ୍ୟ କରିଥିଲେ।