ଚର୍ଚ୍ଚାରେ ଦେଶୀ ଗାର୍ଲ ପ୍ରିୟଙ୍କା…..

ରିପୋର୍ଟ କାର୍ଡ / ନୂଆଦିଲ୍ଲୀ

ସବୁବେଳେ ଚର୍ଚ୍ଚାରେ ରହିଥାନ୍ତି ଦେଶୀ ଗାର୍ଲ ପ୍ରିୟଙ୍କା ଚୋପ୍ରା | ସେ ନିକଟରେ ତାଙ୍କର ୪୦ ତମ ଜନ୍ମଦିନ ପାଳିଥିଲେ । ତାଙ୍କର ଏହି ଜନ୍ମଦିନରେ ଅତି ଘନିଷ୍ଠ ବ୍ୟକ୍ତିଙ୍କ ସହ ପରିବାର ସଦସ୍ୟ ଉପସ୍ଥିତ ଥିଲେ। ନିକ ଏବଂ ପ୍ରିୟଙ୍କା ଏମିତି କିଛି ଅନସିନ୍‌ ଫଟୋ ସେୟାର କରିଛନ୍ତି। ଯାହାକୁ ଦେଖିଲେ ଲାଗୁଥିଲା ଯେ ସମସ୍ତ ପୁରା ମଜାଦାର ମୁଡ୍‌ରେ ଅଛନ୍ତି। ଏହି ଫଟୋରେ ନିକ୍‌ ଏବଂ ପ୍ରିୟଙ୍କା ଖୁବ୍‌ ମଜା ମସ୍ତି କରୁଥିବାର ଦେଖିବାକୁ ମିଳିଛି । ତାଙ୍କ ଜନ୍ମଦିନରେ କେବଳ ଘନିଷ୍ଠ ବ୍ୟକ୍ତିଙ୍କ ସହ ପରିବାର ସଦସ୍ୟ ଉପସ୍ଥିତ ଥିଲେ।

ପ୍ରିୟଙ୍କା ତାଙ୍କ ଗର୍ଲସ୍‌ ଗ୍ୟାଙ୍ଗ ସହ ପାର୍ଟି କରୁଥିବା ବେଳେ ତାଙ୍କ ଆଉ ଏକ ଫଟୋରେ ତାଙ୍କ ଝିଅ ମାଳତୀ ମେରିକୁ କୋଳରେ ଧରିଥିବାର ନଜର ଆସିଥିଲେ। ଏହା ବ୍ୟତୀତ ପୁଲ ପାର୍ଟୀ ସହ ଡିନର କରୁଥିବାବେଳେ ନିକ ତାଙ୍କ ଶାଶୁ ମଧୁ ଚୋପ୍ରାଙ୍କ ସହ ନାଚୁଥିବା ନଜର ଆସିଛନ୍ତି। ପ୍ରିୟଙ୍କା ଫଟୋ ଗୁଡ଼ିକ ସେୟାର କରି କ୍ୟାପସନରେ ଲେଖିଛନ୍ତି, ‘କେବଳ ଗୋଟିଏ ଝିଅ ଏବଂ ତାଙ୍କ ଜନ୍ମଦିନ ସ୍ଵାଡ୍‌ । ଏତେ ସୁନ୍ଦର ଲୋକମାନଙ୍କ ସହିତ ସମୟ ଅତିବାହିତ କରିବାକୁ ବହୁତ କୃତଜ୍ଞ । ବହୁତ ସୁନ୍ଦର ସେଲିବ୍ରସନ୍‌ କରାଯାଇଛି । ସବୁଠୁ ସ୍ମରଣୀୟ ଜନ୍ମଦିନ ପାଇଁ ଆପଣଙ୍କୁ ଧନ୍ୟବାଦ ଦେବା ପାଇଁ ମୋ ପାଖରେ କିଛି ଶବ୍ଦ ନାହିଁ । ମୁଁ ବହୁତ ଭାଗ୍ୟବାନ ଝିଅ।