ସାଇକୋ କିଲର ପ୍ରଭୂ!

ଚେନ୍ନାଇ: କୋରିଓଗ୍ରାଫରରୁ ସାଇକୋ କିଲର ସାଜିଛନ୍ତି ଅଭିନେତା ପ୍ରଭୂ ଦେବା । ନିଜର ଶାନ୍ତଶିଷ୍ଟ ସ୍ୱଭାବ ପାଇଁ ପରିଚିତ ପ୍ରଭୁ ଏବେ ସାଜିଛନ୍ତି ହିଂସ୍ର । ଚୁପଚାପ କମ୍ କଥା କହୁଥିବା ଅଭିନେତାଙ୍କୁ ଦେଖିବାକୁ ମିଳିଛି ଭୟାନକ ରୂପ । ଯିଏ ବି ଦେଖୁଛି ସିଏ ଚକିତ ହୋଇପଡୁଛି। ପ୍ରଥମଥର ପାଇଁ ପ୍ରଭୁ ଦେବାଙ୍କ ଖତରନାକ ଲୁକ ଦେଖି ତାଙ୍କ ପ୍ରଶଂସକମାନେ ମଧ୍ୟ ସରପ୍ରାଇଜ ହୋଇପଡ଼ିଛନ୍ତି । ଡ୍ୟାନସର, କୋରିଓଗ୍ରାଫର, ଅଭିନେତା, ନିର୍ଦ୍ଦେଶକ ପରେ ଏବେ ସାଇକୋ କିଲର ଲୁକରେ ସେ ନଜର ଆସିଛନ୍ତି । ନିକଟରେ ରିଲିଜ ହୋଇଥିବା ତାଙ୍କର ଅପକମିଂ ଫିଲ୍ମ ‘ବଘିରା’ର ଟିଜରରେ ପ୍ରଭୁ ଦେବାଙ୍କୁ କିଛି ଏଭଳି ଲୁକରେ ଦେଖିବାକୁ ମିଳିଛି । ପ୍ରଭୁଙ୍କ ଏହି ଲୁକ୍‌କୁ ବେଶ ପସନ୍ଦ କରୁଛନ୍ତି । ରିଲିଜ ହୋଇଥିବା ଏହି ଟିଜରରେ ପ୍ରଭୁ ଦେବାଙ୍କ ଦମଦାର ଅଭିନୟ ସାଙ୍ଗକୁ ଭିନ୍ନଭିନ୍ନ ଗେଟଅପ ଏବଂ ପ୍ରତି ଗେଟଅପରେ ତାଙ୍କର ଷ୍ଟାଇଲ ଓ ଲୁକ୍ ପୁରା ହଟକେ ରହିଛି । ଅନେକ ଗୁଡ଼ିଏ ଲୁକ୍ସରେ ପ୍ରଭୁ ଦେବାଙ୍କୁ ଚିହ୍ନିବା ବି ମୁସ୍କିଲ ହୋଇପଡ଼ିଛି । ତାଙ୍କର ଏହି ଲୁକ୍ ଏବଂ ଗେଟ୍‌ଅପ୍ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି । ନିର୍ଦ୍ଦେଶକ ଅଦ୍ୱିକ ରବି ଚନ୍ଦ୍ରନଙ୍କ ନିର୍ଦ୍ଦେଶନାରେ ତିଆରି ଫିଲ୍ମ ‘ବଘିରା’ର ଲିଡ୍ ରୋଲରେ ପ୍ରଭୁ ଦେବା ଅଛନ୍ତି । ତାଙ୍କ ଅପୋଜିଟରେ ଅମାୟରା ଦସ୍ତୁରଙ୍କୁ ଦେଖିବାକୁ ମିଳିବ । ତେବେ ଫିଲ୍ମଟି କେବେ ରିଲିଜ ହେବ ସେନେଇ କିଛି ସୂଚନା ମିଳିନାହିଁ ।