ଆଜିଠାରୁ ନିୟମିତ ଗଡିବ ପୁରୀ-ସୁବର୍ଣ୍ଣପୁର ଏକ୍ସପ୍ରେସ….

ରିପୋର୍ଟ କାର୍ଡ / ଭୁବନେଶ୍ବର

ପୁରୀ-ସୁବର୍ଣ୍ଣପୁର ସାପ୍ତାହିକ ଏକ୍ସପ୍ରେସ ଆଜିଠାରୁ ନିୟମିତ ଚଳାଚଳ କରିବ । ପୁରୀରୁ ଫେବୃଆରୀ ୮ ତାରିଖରୁ ଏବଂ ସୁବର୍ଣ୍ଣପୁରରୁ ଫେବୃଆରୀ ୯ରୁ ଚଳାଚଳ କରିବ। ଫେବୃଆରୀ ୩ରେ ପ୍ରଧାନମନ୍ତ୍ରୀଙ୍କ ଦ୍ୱାରା ଏହି ରେଳର ଶୁଭାରମ୍ଭ କରାଯାଇଥିଲା। ରେଳ ନମ୍ବର ୧୮୪୨୧ ପୁରୀ- ସୁବର୍ଣ୍ଣପୁର ସାପ୍ତାହିକ ଏକ୍ସପ୍ରେସ ପ୍ରତ୍ୟେକ ଗୁରୁବାର ଦିନ ପୁରୀରୁ ସନ୍ଧ୍ୟା ୭ଟା ୩୫ ମିନିଟରେ ଛାଡିବ। ଶୁକ୍ରବାର ଭୋର ୫ଟା ୩୦ମିନିଟରେ ସୁବର୍ଣ୍ଣପୁରରେ ପହଞ୍ଚିବ। ଫେରିବା ମାର୍ଗରେ ରେଳ ନମ୍ବର ୧୮୪୨୨୨ ସୁବର୍ଣ୍ଣପୁର-ପୁରୀ ଏକ୍ସପ୍ରେସ ପ୍ରତ୍ୟେକ ଶୁକ୍ରବାର ଦିନ ସୁବର୍ଣ୍ଣପୁରରୁ ସନ୍ଧ୍ୟା ୭ଟା ୩୦ମିନିଟରେ ଛାଡିବ। ଶନିବାର ସକାଳ ୬ଟା ୫୫ ମିନିଟରେ ପୁରୀରେ ପହଞ୍ଚିବ। ଏହି ରେଳ ପୁରୀ ଏବଂ ସୁବର୍ଣ୍ଣପୁର ମଧ୍ୟରେ ଉଭୟ ପାର୍ଶ୍ୱରୁ ଖୋର୍ଦ୍ଧା ରୋଡ, ଭୁବନେଶ୍ୱର, ନରାଜ ମାର୍ଥାପୁର, ଢ଼େଙ୍କାନାଳ, ତାଳଚେର, ଅନୁଗୋଳ, ବୋଇଣ୍ଡା, ରେଢ଼ାଖୋଲ, ସମ୍ବଲପୁର, ବରଗଡ ରୋଡ, ବଲାଙ୍ଗୀର, ବିଛୁପାଲି, ଝାରତରଭା ଏବଂ ନରସିଂହଗଡରେ ରହଣି କରିବ। ଏହି ରେଳରେ ଗୋଟିଏ ଏସି-୨ ଟାୟାର, ସାତଟି ଏସି-୩ ଟାୟାର, ଗୋଟିଏ ଏସି-୩ ଟାୟାର ଇକୋନୋମି, ୬ଟି ସ୍ଲିପର ଶ୍ରେଣୀ, ୩ଟି ଦ୍ବିତୀୟ ଶ୍ରେଣୀ ସିଟିଂ, ଗୋଟିଏ ଗାର୍ଡ, ଲଗେଜ୍ ତଥା ଦିବ୍ୟାଙ୍ଗଙ୍କ ପାଇଁ କୋଚ ଏବଂ ଗୋଟିଏ ଗାର୍ଡ, ଲଗେଜ ତଥା ମୋଟର କୋଚ ସୁବିଧା ରହିବ ବୋଲି ପୂର୍ବତଟ ରେଳପଥ ପକ୍ଷରୁ ସୂଚନା ଦିଆଯାଇଛି।