ଇଣ୍ଡୋନେସିଆରେ ଭୂମିକମ୍ପ, ସୁନାମୀ ନେଇ ସତର୍କତା….

ରିପୋର୍ଟ କାର୍ଡ / ନୂଆଦିଲ୍ଲୀ

ଇଣ୍ଡୋନେସିଆର ଉତ୍ତର ସୁମାତ୍ରା ଦ୍ୱୀପରେ ଭୂମିକମ୍ପହୋଇଛି । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୬.୧ ରେକର୍ଡ କରାଯାଇଛି । ମିଳିଥିବା ତଥ୍ୟ ଅନୁସାରେ ଆଜି ସକାଳ ସାଢ଼େ ୬ଟାରେ ଇଣ୍ଡୋନେସିଆର ସୁମାତ୍ରା ଦ୍ୱୀପର ସମୁଦ୍ର ଉପକୂଳବର୍ତ୍ତୀ ଅଞ୍ଚଳରେ ଭୂମିକମ୍ପ ଝଟକା ଅନୁଭୂତ ହୋଇଥିଲା । ଏହାର କେନ୍ଦ୍ରସ୍ଥଳୀ ୧୨୦ କିମି ଉତ୍ତର-ପୂର୍ବରେ ସମତଳ ଅଞ୍ଚଳରେ ଅନୁଭୂତ ହୋଇଥିବା ଜଣାପଡ଼ିଛି । ଏହି ଭୂମିକମ୍ପରେ ଇଣ୍ଡୋନେସିଆରେ କୌଣସି କ୍ଷୟକ୍ଷତି ହୋଇଥିବା ଜଣାପଡ଼ିନାହିଁ । ହେଲେ ସୁନାମୀ ହେବା ନେଇ ସତର୍କତା ଦିଆଯାଇଛି ।