ରାହୁଲଙ୍କ ଭାରତଯୋଡୋ ଯାତ୍ରାରେ ସାମିଲହେବ ଓଡ଼ିଶା…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆଗାମୀ ସାଧାରଣ ନିର୍ବାଚନରେ ଦଳକୁ ଓଡ଼ିଶାରେ ସଫଳତା ଦେବା ପାଇଁ କଂଗ୍ରେସ ଏବେ ପୁରା ଜୋସରେ । ୨୦ତାରିଖରେ ନୂଆଦିଲ୍ଲୀରେ କେନ୍ଦ୍ରୀୟ ନେତୃତ୍ୱଙ୍କ ସହ ବୈଠକ କରି ଫେରିଥିବା ଦଳର ନେତା ଓ ବିଧାୟକମାନେ ଏଭଳି ଇସାରା ଦେଇଛନ୍ତି । ଆଗାମୀ ନିର୍ବାଚନ ପୂର୍ବରୁ ରାହୁଲ ଗାନ୍ଧିଙ୍କ ପରବର୍ତ୍ତୀ ପର୍ଯ୍ୟାୟ ‘ଭାରତଯୋଡ଼ୋ’ ଯାତ୍ରାରେ ଓଡ଼ିଶାର କିଛି ଜିଲ୍ଲା ସାମିଲ ହେବାର ସମ୍ଭାବନା ରହିଛି ବୋଲି ପିସିସି ସୂତ୍ରରୁ ଜଣାପଡ଼ିଛି । ଏହାସହିତ ଦଳୀୟ କର୍ମୀଙ୍କ ମନୋବଳ ବୃଦ୍ଧି ନିମନ୍ତେ ଖୁବଶୀଘ୍ର ଓଡ଼ିଶାକୁ ଏଆଇସିସି ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ, ରାହୁଲ ଗାନ୍ଧି ଓ ପ୍ରିୟଙ୍କା ଗାନ୍ଧି ଆସିବେ ବୋଲି ପିସିସି ସଭାପତି ଶରତ ପଟ୍ଟନାୟକ ସୂଚନା ଦେଇଛନ୍ତି ।