ବରଯାତ୍ରୀ ଗାଡି ଦୁର୍ଘଟଣା ୫ ମୃତ, ୩ ଗୁରୁତର….

ରିପୋର୍ଟ କାର୍ଡ / ଲକ୍ଷ୍ନୌ

ବରଯାତ୍ରୀ ଗାଡି ଦୁର୍ଘଟ ଘଟି ୫ ଜଣଙ୍କର ମୃତ୍ୟୁ ହୋଇଥିବା ବେଳ ୩ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି । ବରପକ୍ଷର ଲୋକଙ୍କୁ ନେଇ ଯାଉଥିବା ଏକ କାର୍ ଟ୍ରକ୍ ସହ ଧକ୍କା ହୋଇଥିଲା । ସୂଚନା ଅନୁସାରେ, ଉତ୍ତର ପ୍ରଦେଶର ମହାରାଜଗଞ୍ଜରେ ଏହି ସଡକ ଦୁର୍ଘଟଣା ଘଟିଛି । ସୋମବାର ବିଳମ୍ବିତ ରାତ୍ରରେ ବରଯାତ୍ରୀଙ୍କୁ ନେଇ ଯାଉଥିବା ଏକ କାର୍ କରହିୟା ହ୍ରଦ ନିକଟରେ ଏକ ଟ୍ରକକୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ୪ ଜଣ ପ୍ରାଣ ହରାଇଥିଲେ । ଅନ୍ୟ ୪ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ଜଣେ ବ୍ୟକ୍ତି ମୃତ୍ୟୁବରଣ କରିଥିଲେ । ସ୍ଥାନୀୟ ଥାନା ଅଧିକାରୀଙ୍କ କହିବାନୁସାରେ, ବରଯାତ୍ରୀ ଦଳ ମଛଲୀ ଗ୍ରାମର କପିୟରଗଞ୍ଜ ଯାଉଥିଲେ । କରହିୟା ହ୍ରଦ ଅତିକ୍ରମ କରୁଥିବା ବେଳେ ସେମାନଙ୍କ କାର୍‌ ଏକ ଟ୍ରକ୍‌କୁ ଧକ୍କା ଦେଇଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ, କାର୍‌ଚି ଚୁରମାର ହୋଇଯାଇଥିଲା । ସ୍ଥାନୀୟ ଲୋକେ ଏନେଇ ତୁରନ୍ତ ପୋଲିସକୁ ଖବର ଦେଇଥିଲା । ପୋଲିସ ପହଁଚିବା ପରେ ଉଦ୍ଧାର କାର୍ଯ୍ୟ ଚାଲିଥିଲା ।