ରାସ୍ତା ନିର୍ମାଣରେ କୋଟିଏ ଖର୍ଚ୍ଚ,ହାତ ମାରିଲେ ଉଠୁଛି ପିଚୁ…..

ରିପୋର୍ଟ କାର୍ଡ / ମୁନିଗୁଡ଼ା

ରାୟଗଡା ଜିଲ୍ଲା ମୁନିଗୁଡା ବ୍ଲକର‌ ଆଗୁଳ ପଞ୍ଚାୟତର ନିଆଳି ଛକ ଠାରୁ ଭାୟା ମାଦାଖାଲ ଦେଇ ହୁମାଗୁଞ୍ଜି‌ ପର୍ଯ୍ୟନ୍ତ ପ୍ରାୟ ୫କିମି‌ ରାସ୍ତାକୁ ଗ୍ରାମ୍ୟ ଉନ୍ନୟନ ବିଭାଗର ତ୍ଵରାନିତ ରେ ପିଚୁ ପକାଯାଇଛି।ଯାହାକି ଅତି ନିମ୍ନମାନର ପିଚୁ କାର୍ଯ୍ୟ ହୋଇ‌ ହାତ ମାରିଲେ ଖଣ୍ଡ ଖଣ୍ଡ ହୋଇ ପିଚୁ ଉଠୁଛି।ତେଣୁ ରାସ୍ତାର ମାନକୁ ପ୍ରଶ୍ନ ଉଠିବା ସହ ପିଚୁ ଉଠିବା ଭିଡିଓ ଭାଇରାଲ ହେଉଛି।ଏହି କାର୍ଯ୍ୟ ଦେଖିବାକୁ ଜେଇ କି କେହି ସରକାରୀ ବାବୁ ଆସନ୍ତି ନାହିଁ। ମୁନିଗୁଡ଼ା ସେକ୍ସନ ଦାୟିତ୍ୱରେ ଥିବା ଜେଇ ସୁଜ୍ଞାନୀ ବେହେରା ଏହି ପିଚୁ ରାସ୍ତାର କାର୍ଯ୍ୟ କିପରି ହେଉଛି ତାହା ଦେଖିବାକୁ ପାଦ ପଡୁ ନଥିବା ବେଳେ ଠିକାଦାରଙ୍କ ଦେଖା ମିଳୁନାହିଁ ।କାମ କରୁଥିବା ଲେବରଙ୍କ ଦ୍ବାରା ପିଚୁ କାମ ସମାପନ ହୋଇଛି।ଯାହା ଫଳରେ ପ୍ରଥମେ ମେଟାଲିଙ୍ଗ୍ କରି ରୋଲର ଚଲାଇ ସେଟ୍ କରାଗଲା ପରେ କାରପେଣ୍ଟିଙ୍ଗ୍ ଓ ସ୍ଲିକୋଟିଙ୍ଗ୍ କରାଯାଇ ପିଚୁ କରାଯିବା କଥା। କିନ୍ତୁ ଏଠାରେ ତାହା କରାଯାଇନାହିଁ,ବିଭାଗୀୟ ଅଧିକ୍ଷଣ ଯନ୍ତ୍ରୀଙ୍କର ଠିକାଦାର ପ୍ରତି ଅନୁକମ୍ପା ଥାଇ ଏପରି ମାଟି ରାସ୍ତା ଉପରେ ପିଚୁ ପକାଇ କାର୍ଯ୍ୟ ସାରି ଦେଇଛନ୍ତି। ଯାହା ଫଳରେ ପିଚୁ ପଡିବା ୫/୬ଦିନ‌ପରେ ଘସି ଫଡା ଭଳି ହାତ ମାରିଲେ ଉଠୁଛି ପିଚୁ। ଏହି ଅନୀୟମିତ ନିମ୍ନମାନର ପିଚୁ ରାସ୍ତା ନିର୍ମାଣ ସମୟରେ ଅଞ୍ଚଳବାସୀ ଓ ସମିତି ସଭ୍ୟଙ୍କ ବିରୋଧ ସତ୍ତ୍ଵେ ଲେବର ମାନେ କାମ ବନ୍ଦ ନକରି ପିଚୁ ପକାଇ ଚାଲିଥିଲେ,ଲେବରଙ୍କ ପ୍ରତିକ୍ରିୟା ନେଵାରୁ ସେ କହିଥିଲେ, ଆମକୁ ଠିକାଦାର ଓ‌ ଜେଇ କହିଛନ୍ତି ଏହି ଜଙ୍ଗଲ ଜାଗାକୁ କେହି ଆସିବେନି ତୁମେ ଆମେ କହିବାନୁଯାୟୀ ପିଚୁ ପକାଇ କାମ ସାରିଦେଲେ ତୁମ ମଜୁରି ନେଇଯିବ। ଏହା ଶୁଣିବାପରେ ସମିତି ସଭ୍ୟ ଓ ଗ୍ରାମବାସୀ ଜେଇ ମାଡାମ ଓ ଅଧିକ୍ଷଣ ଯନ୍ତ୍ରୀଙ୍କୁ ଜଣାଇଥିଲେ ମଧ୍ୟ କର୍ଣ୍ଣପାତ କରିନଥିଲେ। ଏନେଇ ଜେଇ ସୁଜ୍ଞାନୀ ବେହେରାଙ୍କୁ ପଚାରିବାରୁ ସେ କହିଲେ ପିଚୁ ଉଠୁଥିଲେ ସାନି ପିଚୁ ପଡିବ ଠିକାଦାରଙ୍କ ଏପରି କାମ ପାଇଁ ବିଲ୍ ମଧ୍ୟ ବନ୍ଦ ହେବ ।ଜେଇଙ୍କ କହିବା ପାଣିରେ ଗାର ସଦୃଶ ହୋଇ ମଧ୍ୟ କାର୍ଯ୍ୟାନୁଷ୍ଠାନ ସୂନ ହୋଇ ରହିଗଲା।ଠିକାଦାର ଯନ୍ତ୍ରୀଙ୍କ ମଧୁଚନ୍ଦ୍ରୀକାରେ ସରକାରଙ୍କର କୋଟିଏ ଟଙ୍କା ପାଣିରେ ପଡିଲା ବୋଲି ଅଭିଯୋଗ ହେଉଛି।ଏହି ଦୁର୍ନୀତି ଜଣାପଡିବାରୁ ପିଚୁ ପଡିଥିବା ରାସ୍ତାର ଦୁଇ ପାର୍ଶ୍ବରେ ପିଚୁର ଧାର ନଦିଶିଲା ଭଳି ମାଟି ଘୋଡାଇ ଦେଇଛନ୍ତି।କେଵଳ ଏତିକି ନୁହେଁ ହୁମାଗୁଞ୍ଜି ନିକଟରେ ହୋଇଥିବା କଲଭେଟ ନିର୍ମାଣର ୮/୧୦ ଦିନ ପରେ ଭୁଷୁଡି ପଡିଲା, ସଙ୍ଗେସଙ୍ଗେ ନ ଦିଶିବା ଭଳି ମାଟି ଢାଙ୍କି ଦେଲେ,ଏହାକୁ ମଧ୍ୟ ଜେଇ ଦେଖି ନିରଵ ରହି ବିଲ୍ କରିଦେବା ପଛରେ କି ସ୍ବାର୍ଥ ରହିଛି ? ଏହାର ଉଚ୍ଚସ୍ତରୀୟ ତଦନ୍ତ କରିବା ସହ ଭିଜିଲାନ୍ସର ତଦନ୍ତ ପରିସରଭୁକ୍ତ ହେଲେ ମୁନିଗୁଡା ଓ ଚନ୍ଦ୍ରପୁରୁ ବ୍ଲକରେ ଗ୍ରାମ୍ୟ ଉନ୍ନୟନ ଵିଭାଗର ଦୁଇବର୍ଷ ହେବ ହୋଇଥିବା କାର୍ଯ୍ୟର ସ୍ଵଛତା କେତେ ତାହା ଲୋକ ଲୋଚନକୁ ଆସିବା ସହ ଏହି ବିଭାଗର ମୁଖ୍ୟ ଯନ୍ତ୍ରୀଙ୍କ ଆୟବର୍ହିଭୂତର ସମ୍ପତି ଧରାପଡିଲା, ସେହିପରି ଜେଇ ଏସଡିଓ ଙ୍କ ସମ୍ପତି ତଦନ୍ତ କରି କେତେ ଠୁଳ କରିଛନ୍ତି ତାହା ସାଧାରଣରେ ପ୍ରକାଶିତ ହୋଇପାରିବ।ଏହା ଉପରେ ମୋହନ ସରକାର କି ପଦକ୍ଷେପ ନେଉଛନ୍ତି ଦେଖିବାକୁ ବାକି ଅଛି।

ରିପୋର୍ଟକାର୍ଡ/ ସୁକାନ୍ତ ବେହେରା(ମୁନିଗୁଡା)