‘ଘେଷରା’ ବୟାନଠାରୁ ଦୂରେଇ ରୁହନ୍ତୁ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଭାଷଣର ଅନୁବାଦ ପାଇଁ ଅନୁରୋଧ କରାଯିବାରୁ ରାଗିଯାଇଥିବା ଏବଂ ସମସ୍ତଙ୍କର ହିନ୍ଦୀ ଶିଖିବା ଉଚିତ ବୋଲି ମତ ଦେଇଥିବା ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ସଦ୍‌ଗୁରୁ ଜାଗୀ ବାସୁଦେବ ସମାଲୋଚନା କରିଛନ୍ତି। ସଦ୍‌ଗୁରୁ ଏକ୍ସରେ ଲେଖିଛନ୍ତି, ହିନ୍ଦୁସ୍ଥାନର ଅର୍ଥ ହେଉଛି ହିମାଳୟ ଓ ଇନ୍ଦୁ ସାଗର ମଧ୍ୟରେ ଥିବା ଭୂମି ଏବଂ ହିନ୍ଦୁଙ୍କ ଦେଶ, ହିନ୍ଦୀ ଭାଷାର ଦେଶ ନୁହେଁ। ସେ କହିଥିଲେ ଯେ ରାଜ୍ୟଗୁଡ଼ିକର ଭାଷାଗତ ବିଭାଜନର ଉଦ୍ଦେଶ୍ୟ ହେଉଛି ଭାରତରେ ସମସ୍ତ ଭାଷାକୁ ସମାନ ମାନ୍ୟତା ପ୍ରଦାନ କରିବା। ଭାରତର ଭାଷାଗତ ବିବିଧତାକୁ ସମ୍ମାନ ଦେବାକୁ ସେ ଜେଡିୟୁ ନେତାଙ୍କୁ ଅନୁରୋଧ କରିଛନ୍ତି। ଆଧ୍ୟାତ୍ମିକ ଗୁରୁ ଆହୁରି ମଧ୍ୟ କହିଛନ୍ତି, ସମ୍ମାନର ସହ ଅନୁରୋଧ କରୁଛି ଯେ ଏଭଳି ‘ଘେଷରା’ ବୟାନଠାରୁ ଦୂରେଇ ରୁହନ୍ତୁ କାରଣ ଅନେକ ରାଜ୍ୟ ରହିଛି, ଯେଉଁମାନଙ୍କର ନିଜସ୍ବ ଭାଷା ଅଛି। ସେମାନଙ୍କର ସାହିତ୍ୟ ଓ ସଂସ୍କୃତି ସେମାନଙ୍କର ଭାଷା ସହ ଜଡ଼ିତ। ମଙ୍ଗଳବାର ଭାରତୀୟ ଜନତା ଦଳ ବୈଠକରେ ଦ୍ରାବିଡ଼ ମୁନ୍ନେତ୍ରା କାଜାଗମ (ଡିଏମ୍‌କେ) ନେତା ଟିଆର୍ ବାଲୁ ନୀତୀଶ କୁମାରଙ୍କ ହିନ୍ଦୀ ଭାଷଣକୁ ବୁଝି ନ ପାରି ଅନୁବାଦ ପାଇଁ ସଙ୍କେତ ଦେବା ପରେ ଏହି ବିବାଦ ଉପୁଜିଥିଲା। ରାଷ୍ଟ୍ରୀୟ ଜନତା ଦଳ (ଆର୍‌ଜେଡି)ର ରାଜ୍ୟସଭା ସାଂସଦ ମନୋଜ ଝା ଅନୁବାଦ କରିବାକୁ ପ୍ରସ୍ତାବ ଦେଇଥିଲେ, କିନ୍ତୁ ନୀତୀଶ କୁମାର ଏହାକୁ ପ୍ରତ୍ୟାଖ୍ୟାନ କରି କହିଥିଲେ ଯେ ଆମେ ଆମ ଦେଶକୁ ହିନ୍ଦୁସ୍ତାନ ଏବଂ ହିନ୍ଦୀ ଆମର ଜାତୀୟ ଭାଷା ବୋଲି କହିଥାଉ। ଆମକୁ ଭାଷା ଜାଣିବା ଦରକାର।