ସର୍ଦ୍ଦାର ନଥାନ୍ତେ ଆଜି ଏଠାରେ ଛିଡ଼ା ହୋଇ ନ ଥା’ନ୍ତୁ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆଜି ହେଉଛି ଦେଶର ପ୍ରଥମ ଗୃହମନ୍ତ୍ରୀ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଜନ୍ମ ବାର୍ଷିକୀ | ଏହି ଅବସରରେ କେନ୍ଦ୍ର ମନ୍ତ୍ରୀ ଅମିତ ଶାହା ଦିଲ୍ଲୀର ମେଜର ଧ୍ୟାନଚାନ୍ଦ ଷ୍ଟାଡିୟମରେ ଏକତା ଦୌଡ଼ର ଉଦଘାଟନ କରିଥିଲେ। ଏହି ଅବସରରେ ସେ ଲୋକମାନଙ୍କୁ ସମ୍ବୋଧିତ କରି କହିଛନ୍ତି ଯେ ସମସ୍ତଙ୍କୁ ଏକ ସଂକଳ୍ପ ନେବାକୁ ପଡିବ ଯେ ଭାରତ ବିଶ୍ୱରେ ଆଗରେ ରହିବ। ମେଜର ଧ୍ୟାନଚାନ୍ଦ ଷ୍ଟାଡିୟମରେ ସେ କହିଛନ୍ତି, “ଯଦି ସର୍ଦ୍ଦାର ନଥାନ୍ତେ, ତେବେ ଆମେ ଆଜି ଏଠାରେ ଛିଡ଼ା ହୋଇ ନ ଥା’ନ୍ତୁ କିମ୍ବା ଭାରତର ମାନଚିତ୍ର ଏଭଳି ହୋଇନଥାନ୍ତା | ସ୍ୱାଧୀନତା ପରେ ବ୍ରିଟିଶମାନେ ଏହି ଦେଶକୁ ଖଣ୍ଡ ଖଣ୍ଡ କରି ଛାଡ଼ିଦେଲେ | ଯଦି ସର୍ଦ୍ଦାର ପଟେଲ ସେତେବେଳେ ନଥାନ୍ତେ, ତେବେ ଏହି ଦିନ ହୋଇ ନଥାନ୍ତା | ସ୍ୱାଧୀନତାର ଅମୃତ ମହୋତ୍ସବର ଆଜି ପ୍ରଥମ ଦିନ | ଆମକୁ ଏକ ସଂକଳ୍ପ ନେବାକୁ ପଡିବ ଯେ ଯେତେବେଳେ ଦେଶ ସ୍ୱାଧୀନତାର ଶତବାର୍ଷିକୀ ପାଳନ କରିବ, ସେତେବେଳେ ଭାରତ ସମଗ୍ର ବିଶ୍ୱରେ ପ୍ରଥମ ହେବ। ”ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଜୀବନର ଏକମାତ୍ର ଲକ୍ଷ୍ୟ ଥିଲା ଭାରତର ଏକତା ଏବଂ ସମୃଦ୍ଧତା। ତାଙ୍କର ଦୃଢ ଇଚ୍ଛାଶକ୍ତି, ରାଜନୈତିକ ଜ୍ଞାନ ଏବଂ କଠିନ ପରିଶ୍ରମ ସହିତ ସେ ଖଣ୍ଡବିଖଣ୍ଡିତ ଭାରତକୁ ସଂଗଠିତ ରାଷ୍ଟ୍ର କରିବା ପାଇଁ କାର୍ଯ୍ୟ କରିଥିଲେ। ଦେଶ ପାଇଁ ସର୍ଦ୍ଦାର ସାହେବଙ୍କ ଉତ୍ସର୍ଗୀକୃତ ଜୀବନ ଏବଂ ଦେଶର ପ୍ରଥମ ଗୃହମନ୍ତ୍ରୀ ଭାବରେ ତାଙ୍କର ରାଷ୍ଟ୍ର ନିର୍ମାଣ କାର୍ଯ୍ୟ ସର୍ବଦା ଆମକୁ ପ୍ରେରଣା ଯୋଗାଇବ।