ରିପୋର୍ଟ କାର୍ଡ / ନୂଆଦିଲ୍ଲୀ
ଏନ୍ସିପି ନେତା ତଥା ମହାରାଷ୍ଟ୍ରର ଉପ-ମୁଖ୍ୟମନ୍ତ୍ରୀ ଅଜିତ ପାଓ୍ୱାର ଦାଦାଙ୍କ ନାଁ କିମ୍ବା ତାଙ୍କ ଫଟୋ ବ୍ୟବହାର କରିପାରିବେ ନାହିଁ । ଏନ୍ସିପିର ନିର୍ବାଚନୀ ଚିହ୍ନକୁ ନେଇ ଲାଗି ରହିଥିବା ବିବାଦ ଉପରେ ଶୁଣାଣି କରି ଏଭଳି କିଛି ତାଗିଦ କରିଛନ୍ତି ସୁପ୍ରିମକୋର୍ଟ। ଅଜିତ ପାଓ୍ୱାରଙ୍କ ଦଳ ଭୋଟରଙ୍କ ସାମ୍ନାରେ ଶରଦ ପାଓ୍ୱାରଙ୍କ ନାଁ ଓ ଫଟୋକୁ ବ୍ୟବହାର କରୁଥିବା ନେଇ ଶରଦ ପାଓ୍ୱାରଙ୍କ ଗୋଷ୍ଠୀ ଅଭିଯୋଗ କରିଥିଲେ। ଏହି ମାମଲାର ଶୁଣାଣି କରି ଆଜି ସୁପ୍ରିମକୋର୍ଟ ନିର୍ବାଚନ ପ୍ରଚାର ବେଳେ ଶରଦ ପାଓ୍ୱାରଙ୍କ ଫଟୋ, ନାଁ କିମ୍ବ ତାଙ୍କ ନିର୍ବାଚନ ଚିହ୍ନ ବ୍ୟବହାର ନ କରିବାକୁ କୋର୍ଟ ଅଜିତ ପାଓ୍ୱାରଙ୍କ ଦଳକୁ ନିର୍ଦ୍ଦେଶ ଦେଇଛନ୍ତି। ଏଥିପାଇଁ ଦୁଇ ଦିନ ଭିତରେ ଏକ ଅଣ୍ଡରଟେକିଂ ଦାଖଲ କରିବାକୁ ଅଜିତଙ୍କ ଦଳକୁ କୁହାଯାଇଛି। ଶରଦ ପାୱାରଙ୍କ ତରଫରୁ ବରିଷ୍ଠ ଓକିଲ ଅଭିଷେକ ମନୁ ସିଂଘଭି ସୁପ୍ରିମକୋର୍ଟଙ୍କୁ କହିଛନ୍ତି, ଅଜିତ ପାୱାରଙ୍କ ଏନସିପି ଘଣ୍ଟା ପ୍ରତୀକ ଏବଂ ଶରଦ ପାୱାରଙ୍କ ମୁହଁ ବ୍ୟବହାର କରି ଲୋକଙ୍କୁ ବିଭ୍ରାନ୍ତ କରୁଛି। କୌଣସି ଦ୍ୱନ୍ଦ୍ୱକୁ ଏଡାଇବା ପାଇଁ ବେଞ୍ଚ ଅଜିତ ପାୱାରଙ୍କୁ ଦ୍ୱିତୀୟ ନିର୍ବାଚନ ଚିହ୍ନ ବାଛିବା ପାଇଁ ବିଚାର କୁହାଯାଇଛି। ମାର୍ଚ୍ଚ ୧୬ ସୁଦ୍ଧା ଅଜିତ ପାଓ୍ୱାରଙ୍କ ଦଳକୁ ଜବାବ ଦାଖଲ କରିବାକୁ କୁହାଯାଇଛି। ଏହାସହ ନିର୍ବାଚନ ଆୟୋଗର ନିର୍ଦ୍ଦେଶ ଚୂଡାନ୍ତ ନୁହେଁ ବୋଲି ଏଥିରେ ଦର୍ଶାଯାଇଛି। ଏହି ମାମଲାର ପରବର୍ତ୍ତୀ ଶୁଣାଣି ମଙ୍ଗଳବାର ହେବ।
More Stories
ହମାସ ମୁଖ୍ୟ ୟାହୟା ସିନୱାର ନିହତ…..
ସଲମାନଙ୍କୁ ପୁଣି ଧମକ,ସିଦ୍ଦିକିଙ୍କଠାରୁ ବି ଅବସ୍ଥା ଖରାପ ହେବ…..
ଆଗାମୀ ସପ୍ତାହରେ ଓଡ଼ିଶାକୁ ଛୁଇଁପାରେ ବାତ୍ୟା,ସମୁଦ୍ର ଭିତରକୁ ମତ୍ସ୍ୟଜୀବୀଙ୍କୁ ବାରଣ….