୬ ବର୍ଷ ପୂର୍ବରୁ ସ୍କୁଲରେ ନାମ ଲେଖେଇ ପାରିବେନି ……

ରିପୋର୍ଟ କାର୍ଡ / ନୂଆଦିଲ୍ଲୀ

ନୂତନ ଶିକ୍ଷା ନୀତି ଅନୁଯାୟୀ ଦେଶର ଶିକ୍ଷା ନୀତିରେ ଅନେକ ପରିବର୍ତ୍ତନ ହୋଇଛି | ଶିକ୍ଷା ମନ୍ତ୍ରଣାଳୟ ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ନିର୍ଦ୍ଦେଶ ଦେଇଛି ଯେ,ବର୍ତ୍ତମାନ କୌଣସି ପିଲାଙ୍କୁ ୬ ବର୍ଷ ବୟସ ପୂର୍ବରୁ ଶ୍ରେଣୀରେ ନାମ ଲେଖାଯିବ ନାହିଁ। ଏହା ଏକ ବଡ ପରିବର୍ତ୍ତନ। ନୂତନ ଜାତୀୟ ଶିକ୍ଷା ନୀତି ଅନୁଯାୟୀ, ପିଲାମାନଙ୍କର ପ୍ରଥମ ଶ୍ରେଣୀରେ ନାମ ଲେଖା ବୟସ ୬ ଧାର୍ଯ୍ୟ କରାଯାଇଛି। ଗତ ବର୍ଷ ମାର୍ଚ୍ଚରେ ଏକ ପ୍ରଶ୍ନ ଉପରେ ଲୋକ ସଭାରେ ଦିଆଯାଇଥିବା ସୂଚନା ଅନୁଯାୟୀ ଦେଶର ବିଭିନ୍ନ ରାଜ୍ୟରେ ପ୍ରଥମ ଶ୍ରେଣୀରେ ଆଡମିଶନ ବୟସ ଭିନ୍ନ ଅଟେ। ସେହି ସମୟ ମଧ୍ୟରେ କୁହାଯାଇଥିଲା ଯେ, ଦେଶର ୧୪ଟି ରାଜ୍ୟ ଏବଂ କେନ୍ଦ୍ରଶାସିତ ଅଛି, ଯେଉଁଠାରେ ପିଲାମାନଙ୍କୁ ୬ ବର୍ଷ ବୟସ ପୂର୍ବରୁ ପ୍ରଥମ ଶ୍ରେଣୀରେ ଆଡମିଶନ କରିବାକୁ ଅନୁମତି ଦିଆଯାଇଥିଲା। ଗୁଜରାଟ, ତେଲେଙ୍ଗାନା, ଲଦାଖ, ଆସାମ ଏବଂ ପୁଡୁଚେରୀ ହେଉଛି ଏଭଳି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳ, ଯେଉଁଠାରେ ୫ ବର୍ଷର ପିଲାମାନେ ମଧ୍ୟ ପ୍ରଥମ ଶ୍ରେଣୀରେ ଭର୍ତ୍ତି ହୋଇଥିଲେ।