ଫାଲି ଏସ୍‌ ନରିମନଙ୍କ ପରଲୋକ…..

ରିପୋର୍ଟ କାର୍ଡ / ନୂଆଦିଲ୍ଲୀ

ସୁପ୍ରିମକୋର୍ଟର ବରିଷ୍ଠ ଓକିଲ ଫାଲି ଏସ୍‌ ନରିମନଙ୍କର ପରଲୋକ ଘଟିଛି । ନରିମନ ୯୫ ବର୍ଷ ବୟସରେ ଦିଲ୍ଲୀସ୍ଥିତ ବାସଭବନରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଆଇନ ଜଗତରେ ନରିମନ ପଦ୍ମ ଭୂଷଣ ଓ ପଦ୍ମ ବିଭୂଷଣ ପରି ସମ୍ମାନରେ ସମ୍ମାନିତ ହୋଇଥିଲେ। ଫାଲି ଏସ୍‌ ନରିମନ ସୁପ୍ରିମକୋର୍ଟର ଜଣେ ବରିଷ୍ଠ ଓକିଲ ଥିଲେ। ସେ ଦେଶର ଜଣେ ଆଗଧାଡ଼ିର ଆଇନଜୀବୀ ଭାବେ ବେଶ୍‌ ଜଣାଶୁଣା ଥିଲେ। ଫାଲି ଦୀର୍ଘ ୭୦ ବର୍ଷ କାଳ ସୁପ୍ରିମକୋର୍ଟ ଓ ହାଇକୋର୍ଟରେ ଓକିଲାତି କରିଥିଲେ। ଏହାପରେ ୧୯୯୯ରୁ ୨୦୦୫ ମସିହା ପର୍ଯ୍ୟନ୍ତ ସେ ରାଜ୍ୟସଭା ସଦସ୍ୟ ଭାବେ କାର୍ଯ୍ୟ କରିଥିଲେ। ଆଇନ ବିଷୟ ଉପରେ ତାଙ୍କର ବହୁ ବହି ବେଶ୍‌ ଲୋକପ୍ରିୟ ହୋଇ ପାରିଛି।