ବିଲକୁ ବିରୋଧ କରୁଥିବା ଲୋକଙ୍କୁ ଜବାବ ଦେଲେ ଶାହ…..

ରିପୋର୍ଟ କାର୍ଡ / ନୂଆଦିଲ୍ଲୀ

୧୩୦ତମ ସମ୍ବିଧାନ ସଂଶୋଧନ ବିଲ୍‍ ସମ୍ପର୍କରେ ଏଏନଆଇକୁ ସାକ୍ଷାତକାର ଦେବା ଅବସରରେ ବିରୋଧୀଙ୍କୁ ସିଧା ସଳଖ ଜବାବ ଦେଇଛନ୍ତି ଗୃହ ମନ୍ତ୍ରୀ ଅମିତ ଶାହ । ବିଲ୍‍ କୁ ବିରୋଧୀ ସଦସ୍ୟ ବିରୋଧ କରୁଥିବା ପ୍ରଶ୍ନର ଉତ୍ତର ଦେଇ ଅମିତ ଶାହ କହିଛନ୍ତି ଯେ ଆଜି ବି ବିରୋଧୀମାନେ ଚେଷ୍ଟା କରୁଛନ୍ତି ଯେ ଯଦି ସେମାନେ କେବେ ଜେଲ ଯାଆନ୍ତି ତେବେ ସେମାନେ ସହଜରେ ଜେଲରୁ ସରକାର ଗଠନ କରିବେ ଏବଂ ଚଳାଇବେ । ଜେଲକୁ କ’ଣ ମୁଖ୍ୟମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କ ହାଉସ୍‍ କରାଯିବ । ଡିଜିପି, ମୁଖ୍ୟ ସଚିବ, କ୍ୟାବିନେଟ ସଚିବ କିମ୍ବା ଗୃହ ସଚିବ ଜେଲରୁ ହିଁ ନିର୍ଦ୍ଦେଶ ନେବେ ଓ ରାଜ୍ୟ ଏବଂ ଦେଶ ଚାଲିବ । ହେଲେ ଏହା ଚଳିବ ନାହିଁ । ଏହି ବିଲ୍‍ ନିଶ୍ଚିତ ଭାବରେ ପାସ୍‍ ହେବ । କଂଗ୍ରେସ ଦଳର କିଛି ସଦସ୍ୟ ଅଛନ୍ତି ଏବଂ ବିରୋଧୀ ଦଳରେ ଅନେକ ଲୋକ ଯେଉଁମାନେ ନୈତିକତାକୁ ସମର୍ଥନ କରିବେ ଏବଂ ନୈତିକତାର ଆଧାର ବଜାର ରଖିବେ ବୋଲି ଅମିତ ଶାହ କହିଛନ୍ତି ।ଗୃହମନ୍ତ୍ରୀ ପ୍ରଶ୍ନ କରିଥିଲେ ଯେ ସମଗ୍ର ଦେଶ ଏବଂ ବିରୋଧୀ ଦଳକୁ ପଚାରିବାକୁ ଚାହୁଁଛି ଯେ କୌଣସି ମୁଖ୍ୟମନ୍ତ୍ରୀ, ପ୍ରଧାନମନ୍ତ୍ରୀ କିମ୍ବା କୌଣସି ନେତା ଜେଲରୁ ଦେଶ ଚଳାଇପାରିବେ କି? ଏହା କ’ଣ ଆମ ଗଣତନ୍ତ୍ରର ମର୍ଯ୍ୟାଦା ଅନୁଯାୟୀ? ୍ଣସ ଆହୁରି ମଧ୍ୟ କହିଛନ୍ତି ଯେ ମୋ ଦଳ ଏବଂ ମୁଁ ଏହାକୁ ସମ୍ପୂର୍ଣ୍ଣ ଭାବରେ ପ୍ରତ୍ୟାଖ୍ୟାନ କରୁଛୁ । ଜଣେ ସଦସ୍ୟ ଜେଲ ଯିବେ, ଅନ୍ୟ ସଦସ୍ୟମାନେ ସରକାର ଚଳାଇବେ ଏବଂ ଜାମିନ ପାଇଲେ ସେମାନେ ପୁଣି ଥରେ ଶପଥ ନେଇପାରିବେ । ଏଥିରେ ଆପତ୍ତି କ’ଣ?