ସୁରଙ୍କ ପାଇଁ ବଢ଼ିଲା ଅଡୁଆ,କାରଣ ଦର୍ଶାଅ ନୋଟିସ୍ ଜାରି….

ରିପୋର୍ଟ କାର୍ଡ / ଭୁବନେଶ୍ୱର

ପୁଅ ପାଇଁ ବରିଷ୍ଠ କଂଗ୍ରେସ ବିଧାୟକ ସୁରେଶ କୁମାର ରାଉତରାୟଙ୍କୁ କାରଣ ଦର୍ଶାଅ ନୋଟିସ୍ ପଠାଇଲା ପିସିସି ଶୃଙ୍ଖଳାଗତ କାର୍ଯ୍ୟାନୁଷ୍ଠାନ କମିଟି । ସେ ଦଳ ବିରୋଧୀ କାର୍ଯ୍ୟ କରିଥିବା ଅଭିଯୋଗ ଲାଗିଛି । ବିଜେଡି ପ୍ରାର୍ଥୀ ତଥା ସାନ ପୁଅ ମନ୍ମଥଙ୍କ ପାଇଁ ପ୍ରଚାର କରିଥିବା ଅଭିଯୋଗରେ ନୋଟିସ୍ ପଠାଇଛି କମିଟି । ଦଳ ବିରୋଧୀ କାର୍ଯ୍ୟ ପାଇଁ କାହିଁକି କାର୍ଯ୍ୟାନୁଷ୍ଠାନ ନିଆଯିବନି ବୋଲି ଜବାବ ଦେବାକୁ ସୁରଙ୍କୁ ନିର୍ଦ୍ଦେଶ ରହିଛି । ୨୪ ଘଣ୍ଟା ଭିତରେ ଏହାର ଉତ୍ତର ଦେବାକୁ ନୋଟିସରେ କମିଟି ନିର୍ଦ୍ଦେଶ ଦେଇଛି ।