ଆଜି କାନ୍ନାଡାକୁ ଭେଟିବ ଟିମ୍ ଇଣ୍ଡିଆ…..

ରିପୋର୍ଟ କାର୍ଡ / ଭୁବନେଶ୍ୱର

ଜୁନିଅର ବିଶ୍ୱକପ୍ ହକିରେ ଆଜି କାନ୍ନାଡାକୁ ଭେଟିବ ଟିମ୍ ଇଣ୍ଡିଆ । ଗତକାଲି ଫ୍ରାନ୍ସ ଠାରୁ ହାରିବା ପରେ ଦ୍ୱିତୀୟ ମ୍ୟାଚ୍ ଜିତି ବିଜୟ ଅଭିଯାନ ଆରମ୍ଭ କରିବା ଲକ୍ଷ୍ୟରେ ମଇଦାନକୁ ଓହ୍ଲାଇବ ଭାରତ । ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ସଂଧ୍ୟା ୭ଟା ୩୦ରେ ମ୍ୟାଚ୍‌ଟି ଖେଳାଯିବ । ଭାରତ-କାନ୍ନାଡାକୁ ଛାଡ଼ିଲେ ଆଜି ଆଉ ୪ଟି ମ୍ୟାଚ୍ ରହିଛି । ସକାଳ ୯ଟା ୩୦ରେ ମୁହାଁମୁହିଁ ହୋଇଛନ୍ତି ଆର୍ଜେଣ୍ଟିନା ଏବଂ ଇଜିପ୍ଟ । ସେହିପରି ଦିନ ୧୨ଟାରେ ସାଉଥ କୋରିଆକୁ ଭେଟ ନେଦରଲାଣ୍ତ । ଦିନ ୨ଟା ୩୦ରେ ସ୍ପେନ୍ ଏବଂ ୟୁଏସ୍ଏ ମଧ୍ୟରେ ମ୍ୟାଚ୍ ଖେଳାଯିବ । ସଂଧ୍ୟା ୫ଟାରେ ପୋଲାଣ୍ଡ-ଫ୍ରାନ୍ସ ମଧ୍ୟରେ ଟକ୍କର ହେବ । ଗତକାଲି କଳିଙ୍ଗ ଷ୍ଟାଡିୟମରେ ଖେଳାଯାଇଥିବା ଜୁନିୟର ବିଶ୍ୱକପ ହକିର ପ୍ରଥମ ମ୍ୟାଚରେ ଭାରତ ପରାଜୟ ହାସଲ କରିଛି । ୨୦୧୬ ସଂସ୍କରଣର ଚମ୍ପିୟାନ ତଥା ଆୟୋଜକ ଭାରତ ସଂଘର୍ଷ କରି ଫ୍ରାନ୍ସ ଠାରୁ ପରାଜୟ ହୋଇଥିଲା । ୫-୪ ଗୋଲ ରେ ଫ୍ରାନ୍ସ ଠାରୁ ଭାରତ ହାରିଲା। ମ୍ୟାଚ ଆରମ୍ଭର ୫୦ ସେକେଣ୍ଡରେ ଫ୍ରାନ୍ସର ଅଧିନାୟକ କ୍ଲେମେଣ୍ଟ ତିମୋଥି (CLEMENT Timothee) ଗୋଲ କରିଥିଲେ।