ତେଜ ପ୍ରତାପ ଆର୍‌ଜେଡିରୁ ବହିଷ୍କୃତ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆରଜେଡି ଅଧ୍ୟକ୍ଷ ତଥା ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ ବଡ଼ ପୁଅ ତେଜ ପ୍ରତାପ ଯାଦବଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ବିଶୃଙ୍ଖଳିତ ଆଚରଣ ଅଭିଯୋଗରେ ବଡ଼ ପୁଅ ତେଜ ପ୍ରତାପଙ୍କୁ ଆରଜେଡିରୁ ୬ ବର୍ଷ ପାଇଁ ବହିଷ୍କାର କରିଥିବାବେଳେ ତାଙ୍କର ପରିବାର ସହ ସମ୍ପର୍କ ଛିନ୍ନ କରିଥିବା ନେଇ ଏକ୍ସରେ ସୂଚନା ଦେଇଛନ୍ତି। ବଡ଼ ପୁଅ ତେଜ ପ୍ରତାପ ଜୀବନର ନୈତିକ ମୂଲ୍ୟବୋଧ ହରାଇଛି। ବର୍ତ୍ତମାନ ଠାରୁ ବଡ଼ପୁଅ ତେଜ ପ୍ରତାପଙ୍କର ଦଳ ଓ ପରିବାର ସହ କୌଣସି ସମ୍ପର୍କ ନାହିଁ ବୋଲି ଘୋଷଣା କରିଛନ୍ତି। ଲାଲୁ ପ୍ରସାଦ ଯାଦବ ସୋସିଆଲ ମିଡ଼ିଆ ପ୍ଲାଟଫର୍ମ ’ଏକ୍ସ’ରେ ଏକ ପୋଷ୍ଟରେ ଏହି ଘୋଷଣା କରିଛନ୍ତି। ସେ ଟ୍ବିଟ୍ କରି ଲେଖିଛନ୍ତି ଯେ​‌ ବ୍ୟକ୍ତିଗତ ଜୀବନରେ ନୈତିକ ମୂଲ୍ୟବୋଧକୁ ଅଣଦେଖା କରିବା ସାମାଜିକ ନ୍ୟାୟ ପାଇଁ ଆମର ସାମୂହିକ ସଂଘର୍ଷକୁ ଦୁର୍ବଳ କରିଥାଏ। ବଡ଼ ପୁଅର କାର୍ଯ୍ୟକଳାପ, ସାର୍ବଜନୀନ ଆଚରଣ ଏବଂ ଦାୟିତ୍ୱହୀନ ଆଚରଣ ଆମର ପାରିବାରିକ ମୂଲ୍ୟବୋଧ ଏବଂ ପରମ୍ପରା ଅନୁଯାୟୀ ନୁହେଁ। ତେଣୁ, ଏହି ପରିସ୍ଥିତି ଯୋଗୁଁ ମୁଁ ତାଙ୍କୁ ଦଳ ଏବଂ ପରିବାରରୁ ବାହାର କରୁଛି। ଏବେଠାରୁ, ତାଙ୍କର ଦଳ ଏବଂ ପରିବାର ସହିତ କୌଣସି ପ୍ରକାର ସମ୍ପର୍କ ରହିବ ନାହିଁ। ତାଙ୍କୁ ୬ ବର୍ଷ ପାଇଁ ଦଳରୁ ବହିଷ୍କାର କରାଯାଇଛି। ଯଦି କୌଣସି ବ୍ୟକ୍ତି ତା ସହ ସମ୍ପର୍କ ରଖିବାକୁ ଚାହାନ୍ତି ତେବେ ସେହି ନିର୍ଣ୍ଣୟ ସେମାନେ ହିଁ ନେବେ ବୋଲି ଆରଜେଡି ସୁପ୍ରିମୋ କହିଛନ୍ତି। ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ବଡ଼ ପୁଅ ତଥା ପୂର୍ବତନ ମନ୍ତ୍ରୀ ତେଜ ପ୍ରତାପ ଯାଦବ ବିବାହିତ ହୋଇଥିବାବେଳେ ଉଭୟ ପତି ପତ୍ନୀଙ୍କ ପାରିବାରିକ ବିବାଦ ଲାଗି ରହିଛି । ଶନିବାର ତାଙ୍କର ଫେସବୁକ ଆକାଉଣ୍ଟରୁ ଅନୁଷ୍କା ଯାଦବଙ୍କ ସହ ଫଟୋ ସେୟାର ଓ ପୋଷ୍ଟ ହୋଇଥିଲା । ପରେ ତେଜ ପ୍ରତାପ ଏସବୁ ସଂଶୋଧନ କରିବା ସହ ଆକାଉଣ୍ଟ ହ୍ୟାକ୍ ହୋଇଥିବା କହିଥିଲେ। ଏହି ଭାଇରାଲ୍ ଫେସବୁକ୍ ପୋଷ୍ଟରେ ଅନୁଷ୍କାଙ୍କ ସହିତ “ସମ୍ପର୍କରେ” ଥିବା କହିବାର ଗୋଟିଏ ଦିନ ପରେ ଏହି ପଦକ୍ଷେପ ନିଆଯାଇଛି। ଏହି ପୋଷ୍ଟଟି ସୋସିଆଲ ମିଡିଆ ବ୍ୟବହାରକାରୀଙ୍କ ଦ୍ୱାରା ସମାଲୋଚନାର ଶିକାର ହୋଇଥିଲା। ସେମାନଙ୍କ ମଧ୍ୟରୁ ଅନେକ ୩୭ ବର୍ଷୀୟ ରାଜନେତାଙ୍କୁ ୨୦୧୮ରେ ବହୁତ ଧୁମଧାମରେ ​​ହୋଇଥିବା ତାଙ୍କ ବିବାହ କଥା ମନେ ପକାଇ ଦେଇଥିଲେ। ମୋ ସୋସିଆଲ ମିଡିଆ ପ୍ଲାଟଫର୍ମ ହ୍ୟାକ୍ କରାଯାଇଥିଲା ଏବଂ ମୋର ଫଟୋଗୁଡ଼ିକୁ ଭୁଲ ଭାବରେ ସମ୍ପାଦିତ କରାଯାଇଥିଲା ବୋଲି ଶନିବାର ରାତିରେ ତେଜ ପ୍ରତାପ ଯାଦବ ଏକ୍ସରେ ଲେଖିଛନ୍ତି। ତେବେ ଭାଇରାଲ ହୋଇଥିବା ପୋଷ୍ଟକୁ ଉଲ୍ଲେଖ କରି ଏବଂ ଗଣମାଧ୍ୟମ ଦ୍ୱାରା ନୋଟ୍ କରାଯାଇଥିଲା। ତେଜ ପ୍ରତାପ ଯାଦବ ବିହାରର ପୂର୍ବତନ ମୁଖ୍ୟମନ୍ତ୍ରୀ ଦାରୋଗା ରାୟଙ୍କ ନାତୁଣୀ ଐଶ୍ୱର୍ଯ୍ୟାଙ୍କ ସହିତ ବିବାହ କରିଥିଲେ। କିନ୍ତୁ କିଛି ମାସ ମଧ୍ୟରେ ଐଶ୍ୱର୍ଯ୍ୟା ତାଙ୍କ ଘର ଛାଡି ଦେଇଥିଲେ। ତାଙ୍କୁ ତାଙ୍କ ସ୍ୱାମୀ ଏବଂ ଶ୍ୱଶୁର ଘର ଲୋକେ ବାହାର କରିଦେଇଥିଲେ ବୋଲି ଅଭିଯୋଗ କରିଥିଲେ।