ଏକ୍‌ଜିଟ୍‌ ପୋଲ୍‌କୁ ଖାରଜ କଲେ ତେଜସ୍ୱୀ ଯାଦବ…..

ରିପୋର୍ଟ କାର୍ଡ / ଭୁବନେଶର

ବିହାରରରେ ସମସ୍ତ ପର୍ଯ୍ୟାୟ ମତଦାନ ଶେଷ ହୋଇଛି । ବୁଥ୍ ବାହୁଡ଼ା ମତକୁ ନେଇ ଅନେକ ଆଲୋଚନା ଆରମ୍ଭ ହୋଇଛି । ଏକ୍‌ଜିଟ୍ ପୋଲ ମହାଗଠବନ୍ଧନ ବିପକ୍ଷରେ ଥିଲେ ମଧ୍ୟ ଏହାକୁ ଖାରଜ କରି ବିଜୟ ସୁନିଶ୍ଚିତ କରିଛନ୍ତି ମହାଗଠବନ୍ଧନ ମୁଖ୍ୟମନ୍ତ୍ରୀ ପ୍ରାର୍ଥି ଆର୍‌ଜେଡ଼ି ନେତା ତେଜସ୍ଵୀ ଯାଦବ । ତେଜସ୍ୱୀ ବୁଥ୍‌ ବାହୁଡ଼ା ମତକୁ ଖାରଜ କରିବା ସହ ପରୋକ୍ଷରେ ବିଜେପିକୁ କଟାକ୍ଷ କରିଛନ୍ତି । ସେ କହିଛନ୍ତି , ଏଥର ସେମାନେ ଭୋଟ ଗଣତି ପ୍ରକ୍ରିୟାକୁ କୁ ଧୀର କରିବା ପାଇଁ ପ୍ରୟାସ କରିବେ । ସେମାନେ ଜିଲ୍ଲା ମୁଖ୍ୟାଳୟରେ ଭୟ ସୃଷ୍ଟି କରିବେ । ସେ କହିଛନ୍ତି , ଯେଉଁଠି ବୋମା ବିସ୍ଫୋରଣ ହେବ ସେଠାରେ କିଛି କରି ପାରିବେ ନାହିଁ , କିନ୍ତୁ ବିହାରର ସମସ୍ତ ଜିଲ୍ଲାରେ ଏକ ମିଲିଟାରି ଫ୍ଲାଗମାର୍ଚ୍ଚ କରି ଗଣତନ୍ତ୍ରକୁ ହତ୍ୟା କରିବେ । ଯାହାଦ୍ୱାରା ଲୋକଙ୍କ ମଧ୍ୟରେ ଭୟ ସୃଷ୍ଟିହେବ । ଗତ ନିର୍ବାଚନରେ ମହାଗଠବନ୍ଧନ ର ପରାଜୟର କାରଣ ବର୍ଣ୍ଣନା କରି କହିଛନ୍ତି, ୨୦୨୦ ନିର୍ବାଚନରେ ​​ମଧ୍ୟ ଲୋକମାନେ ପରିବର୍ତ୍ତନ ପାଇଁ ଭୋଟ ଦେଇଥିଲେ କିନ୍ତୁ ଭୁଲ ରଣନୀତି ପାଇଁ ମାତ୍ର ୧୨,୦୦୦ ଭୋଟ ବ୍ୟବଧାନରେ ଆମକୁ ହାରିବାକୁ ପଡ଼ିଲା । ଏଥର ଆମେ କ୍ଲିନ ସୁଇପ୍ କରିବୁ । ମହାଗଠବନ୍ଧନ ବିପୁଳ ବିଜୟ ହାସଲ କରିବ । ଏଥର ଆଉ ଆମ ଲୋକମାନେ ଭୟଭୀତ ହେବେ ନାହିଁ । ସେମାନେ ଭୋଟ ଚୋରି ବନ୍ଦ କରିବେ, ଗଣତନ୍ତ୍ରକୁ ରକ୍ଷା କରିବେ ଏବଂ ଯାହା ବଳିଦାନ ଦେବାକୁ ଆବଶ୍ୟକ ତାହା କରିବେ ବୋଲି କହିଛନ୍ତି ତେଜସ୍ଵୀ ।