ଏନକାଉଣ୍ଟରରେ ଜଣେ ଆତଙ୍କବାଦୀ ନିପାତ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଜମ୍ମୁ କଶ୍ମୀର ପୁଲୱାମା ଜିଲ୍ଲାରେ ସୁରକ୍ଷା ବାହିନୀ ଓ ଆତଙ୍କୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା |ଏନକାଉଣ୍ଟରରେ ଜଣେ ଆତଙ୍କବାଦୀ ନିପାତ ହୋଇଥିବା ନେଇ ସେନା ଅଧିକାରୀଙ୍କ ପକ୍ଷରୁ ସୂଚନା ମିଳିଛି। ଅଧିକାରୀମାନେ କହିଛନ୍ତି ଯେ, ଗତକାଲି ପୁଲୱାମାର ଆରିହଲ ଅଞ୍ଚଳର ନ୍ୟୁ କଲୋନୀରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା। ଅପରେସନ ଜାରି ରହିଥିବା ବେଳେ ଏଥିରେ ଜଣେ ଆତଙ୍କୀକୁ ନିପାତ କରାଯାଇଛି। ନିପାତ ଆତଙ୍କବାଦୀ କିଏ ଏବଂ କେଉଁ ଗୋଷ୍ଠୀର ଜଣାପଡି ନାହିଁ | ପ୍ରକାଶ ଥାଉ କି, ନିକଟରେ ମଧ୍ୟ ସୁରକ୍ଷାକର୍ମୀ ଓ ଅତଙ୍କାବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା। ଦୁର୍ଭାଗ୍ୟବଶତଃ ରଜୌରୀରେ ଅଞ୍ଚଳରେ ଆତଙ୍କୀଙ୍କ ସହ ଲଢିବା ସମୟରେ ଦୁଇ ଜଣ କ୍ୟାପ୍ଟେନଙ୍କ ସମେତ ତିନି ଜଣ ଯବାନ ସହିଦ ହୋଇଥିଲେ। ସ୍ଥାନୀୟ ଅଞ୍ଚଳରେ ଆତଙ୍କୀ ଲୁଚିଥିବା ସନ୍ଦେହରେ ସର୍ଚ୍ଚ ଅପରେସନ କରୁଛନ୍ତି ସୁରକ୍ଷାକର୍ମୀ।