ଦିଲ୍ଲୀ​‌ରେ ପଶିପାରିବନି ଏସବୁ ଗାଡି…..

ରିପୋର୍ଟ କାର୍ଡ / ନୂଆଦିଲ୍ଲୀ

ଦିଲ୍ଲୀରେ ବାୟୁ ପ୍ରଦୂଷଣ ଦିନକୁ ଦିନ ସାଂଘାତିକ ହେବାରେ ଲାଗିଛି। ଏହାକୁ ରୋକିବାକୁ ସରକାର ଏକ ଦୃଢ ନିଷ୍ପତ୍ତି ନେଇଛନ୍ତି। ଯାହା ଏନସିଆର୍‌ର ଗତିକୁ “ହ୍ୟାଣ୍ଡବ୍ରେକ୍” କରିବ। ଦିଲ୍ଲୀ ସରକାର ବିଏସ୍‌-୬ ନ ଥିବା ଯାନବାହାନର ପ୍ରବେଶ ଉପରେ ସମ୍ପୂର୍ଣ୍ଣ ନିଷେଧ ଲାଗୁ କରି ଏକ ଡିକ୍ରିମେଣ୍ଟ ଜାରି କରିଛନ୍ତି। ଏହି ନିଷ୍ପତ୍ତି କେବଳ ଏକ ପ୍ରଶାସନିକ ନିର୍ଦ୍ଦେଶ ନୁହେଁ, ବରଂ ଗୁରୁଗ୍ରାମ, ନୋଏଡା, ଫରିଦାବାଦ ଏବଂ ଗାଜିଆବାଦର ଲକ୍ଷ ଲକ୍ଷ ପରିବାର ପାଇଁ ଏକ ବଡ଼ ଝଟକା । ଯେଉଁମାନେ ବିଏସ୍‌-୬ ବର୍ଗ ତଳେ ଯାନବାହାନ ରଖିଛନ୍ତି। ଏହି ତିନୋଟି ସହରରେ ବିଏସ୍‌-୬ ବର୍ଗ ତଳେ ପ୍ରାୟ ୧.୨ ମିଲିୟନ ଯାନବାହାନ ଅଛି। ସରକାରୀ ନିର୍ଦ୍ଦେଶ ପରେ, ଏହି ଯାନଗୁଡ଼ିକ ଆଉ ଦିଲ୍ଲୀରେ ପ୍ରବେଶ କରିପାରିବେ ନାହିଁ। ଏହି ନିଷେଧ ସେମାନଙ୍କ ପାଇଁ ଏକ ଦୁଃସ୍ୱପ୍ନଠାରୁ କମ୍ ନୁହେଁ, ଯେଉଁମାନେ କାମକୁ ଯିବା ପାଇଁ, ପିଲାମାନଙ୍କୁ ସ୍କୁଲରେ ଛାଡିବା ପାଇଁ କିମ୍ବା ଜରୁରୀକାଳୀନ ଚିକିତ୍ସା ପାଇଁ ଦିଲ୍ଲୀକୁ ଯାଆନ୍ତି। ଟାଇମ୍ସ ଅଫ୍ ଇଣ୍ଡିଆର ଏକ ରିପୋର୍ଟ ଅନୁଯାୟୀ, ଦିଲ୍ଲୀର ରାସ୍ତାରେ ଗୁରୁଗ୍ରାମ୍‌ରେ ୨ ଲକ୍ଷ, ନୋଏଡାରେ ୪ ଲକ୍ଷ ଏବଂ ଗାଜିଆବାଦରେ ୫ ଳକ୍ଷ ଯାନବାହନକୁ ଅବୈଧ ଘୋଷଣା କରାଯାଇଛି। ଏହି ନିଷ୍ପତ୍ତି ଦ୍ୱାରା ଗୁରୁଗ୍ରାମ ଗୁରୁତର ଭାବରେ ପ୍ରଭାବିତ ହୋଇଛି। ରେକର୍ଡ ଅନୁଯାୟୀ ଗୁରୁଗ୍ରାମରେ ପ୍ରାୟ ୨ ଳକ୍ଷ ନିଜସ୍ଵ ଯାନ ଅଛି, ଯାହା ବିଏସ୍‌-୬ ନିର୍ଗମନ ମାନଦଣ୍ଡ ପୂରଣ କରୁନାହିଁ। ଏଥିରେ ପ୍ରାୟ ୧.୫ ଲକ୍ଷ ବିଏସ୍‌-୩ ପେଟ୍ରୋଲ କାର ଏବଂ ୩୬ ହଜାରରୁ ଅଧିକ ବିଏସ୍‌-୪ ଡିଜେଲ ଯାନ ଅନ୍ତର୍ଭୁକ୍ତ। ଏହା ମଧ୍ୟବିତ୍ତ ପରିବାରର ମେରୁଦଣ୍ଡ ସଦୃଶ୍ୟ। ଏହା ବ୍ୟତୀତ, ସହରର ଲଜିଷ୍ଟିକ୍ସ ଏବଂ ପରିବହନ ବ୍ୟବସ୍ଥା ମଧ୍ୟ ଗୁରୁତର ଭାବରେ ପ୍ରଭାବିତ ହୋଇଛି। ୪୭ ହଜାରରୁ ଅଧିକ ବାଣିଜ୍ୟିକ ବିଏସ୍‌-୪ ଡିଜେଲ ଯାନ ଏବଂ ୨ ହଜାର ରୁ ଅଧିକ ବିଏସ୍‌-୩ ପେଟ୍ରୋଲ ବାଣିଜ୍ୟିକ ଯାନ ଆଉ ଦିଲ୍ଲୀରେ ପ୍ରବେଶ କରିପାରିବ ନାହିଁ। ସାର୍ବଜନୀନ ପରିବହନ ମଧ୍ୟ ଏଥିରୁ ବାଦ ପଡ଼ିନାହିଁ। ପ୍ରାୟ ୨୨୦୦ ବସ୍ ମଧ୍ୟ ପ୍ରଭାବିତ ହୋଇଛି। ସାମଗ୍ରିକ ଭାବରେ, ସାଇବର ସିଟିର ରାସ୍ତାଗୁଡ଼ିକ ଶାନ୍ତ ନ ଥାଇପାରେ, କିନ୍ତୁ ଦିଲ୍ଲୀକୁ ଯାଉଥିବା ରାସ୍ତାଗୁଡ଼ିକ ନିଶ୍ଚିତ ଭାବରେ ଉତ୍ତେଜନାପୂର୍ଣ୍ଣ ରହିବ।