ଜାଳିଦେଲେ ଆମ-ବସ୍……

ରିପୋର୍ଟ କାର୍ଡ / ଭୁବନେଶ୍ୱର

ରାଜଧାନୀ ଭୁବନେଶ୍ୱରରେ ଆମ-ବସ୍ ଜଣଙ୍କୁ ଧକ୍କା ଦେଇଛି । ଆମ-ବସ୍ ଧକ୍କାରେ ଜଣେ ସାଇକେଲ ଆରୋହୀ ଆହତ ପରେ ଆମ-ବସ୍ ଜାଳିଦେଲେ ଉତ୍ୟକ୍ତ ଲୋକେ। ପୁଣି ଭୁବନେଶ୍ୱରରେ ଆତଙ୍କ ରଚିଲା ଆମ-ବସ୍। ଆଜି ସନ୍ଧ୍ୟାରେ ପଳାଶପଲ୍ଲୀ ଫ୍ଲାଏ ଓଭର ତଳେ ଜଣେ ସାଇକେଲ ଆରୋହୀଙ୍କ ଉପରେ ମାଡି ଯାଇଥିଲା ଆମ-ବସ୍। ଫଳରେ ସାଇକେଲ ଆରୋହୀ ଜଣକ ଗୁରୁତର ଆହତ ହୋଇଛନ୍ତି। ଆହତ ଜଣଙ୍କ ପଳାଶପଲ୍ଲୀ ଅଞ୍ଚଳର ରମେଶ ପାତ୍ର ବୋଲି ଜଣାପଡ଼ିଛି। ତେବେ ଦୁର୍ଘଟଣା ପରେ ଘଟଣାସ୍ଥଳରେ ପ୍ରବଳ ଉତ୍ତେଜନା ଦେଖାଦେଇଥିଲା। ଉତ୍ତ୍ୟକ୍ତ ଲୋକେ ବସକୁ ଭଙ୍ଗାରୁଜା କରିବା ସହ ନିଆଁ ଲଗାଇ ଦେଇଛନ୍ତି।