ଥିଙ୍କର୍ସ କ୍ଲବ୍ ର ୯ମ ୱେବିନାର:ପୃଥିବୀରେ ଶାନ୍ତି ପାଇଁ ଜାତିସଂଘ କୁ ପ୍ରସ୍ତାବ…..

ରିପୋର୍ଟ କାର୍ଡ / ଭୁବନେଶ୍ୱର ( ବରଦା ପ୍ରସନ୍ନ ଦାସ )

ବିଭିନ୍ନ ସ୍ଥାନରେ ରାଜ୍ୟ ଓ ଦେଶ ଦେଶ ଭିତରେ ନାନା କାରଣରୁ ଅଶାନ୍ତକର ବାତାବରଣ ବୃଦ୍ଧି ପାଇ ଚାଲିଛି। ଏଣୁ କେତେକ ବୁଦ୍ଧିଜୀବୀ ପ୍ରତିକ୍ରିୟାଶୀଳ ହୋଇ ବିଶ୍ୱ ରେ ଶାନ୍ତି ପ୍ରତିଷ୍ଠା ପାଇଁ ଗଠିତ ଜାତି ସଂଘକୁ ସକ୍ରିୟ କରିବା ନିମନ୍ତେ ଅଣ୍ଟା ଭିଡ଼ିଛନ୍ତି। ଏ ସମ୍ପର୍କରେ ଥିଙ୍କର୍ସ କ୍ଲବ୍ ତରଫରୁ ଏକ ଆଭାସି ଆଲୋଚନାଚକ୍ର ଆୟୋଜିତ ହୋଇ ସ୍ମାରକପତ୍ର ପ୍ରସ୍ତୁତି ନିମନ୍ତେ ପ୍ରସ୍ତାବ ଆହ୍ୱାନ କରାଯାଇଥିଲା। ପୂର୍ବରୁ ଜାତି ସଂଘରେ କାର୍ଯ୍ୟ କରିଥିବା ଶ୍ରୀ ବିବେକ ପଟ୍ଟନାୟକ, ଆ.ଏ.ଏସ , ମୁଖ୍ୟବକ୍ତା ଓ ଡ଼ ନନ୍ଦନନ୍ଦନ ଦାସ ବକ୍ତାଭାବେ ଯୋଗ ଦେଇ ବିଷଦ ଭାବେ ଆଲୋଚନା କରିଥିଲେ। ଥିଙ୍କର୍ସ କ୍ଲବ୍ ର ସଭାପତି ବରଦା ଦାସ ସଂଯୋଜନା କରିଥିଲେ। ଆମେରିକାରୁ କୁକୁ ଦାସ ,ଟିଟିଲାଗଡ଼ରୁ ଡ଼ ଶିବ ବେହେରା, ମୁଖ୍ୟ ମେରାଇନ ଯନ୍ତ୍ରୀ ସୀତାରାମ ବେହେରା, ଡ଼ କପିଳେଶ୍ୱର ମିଶ୍ର, ଜଗନାଥ ଦାସ, ଦେବ ନନ୍ଦନ ଦାସ ପ୍ରମୁଖ ପ୍ରସ୍ତାବମାନ ଦେଇଥିଲେ।