ରମଣୀ ସ୍ନେହୀ ହୋଇପାରନ୍ତି…..

ରିପୋର୍ଟ କାର୍ଡ / ଭୁବନେଶ୍ୱର

ମେଷ: ସନ୍ତାନଙ୍କ ସୁଖରେ ସୁଖୀ ହେବେ। ଶ୍ରେଷ୍ଠ ଆସନରେ ଆସୀନ ହୋଇପାରନ୍ତି। ଶୁଦ୍ଧ-ପୂତ ରହିବେ। ଜୀବେଦୟା ମହତ୍‌ବାଣୀକୁ ଅନୁସରଣ କରି ଧର୍ମଧ୍ବଜାଧାରୀ ହେବେ।

ବୃଷ: ଅଧିକ ସମ୍ପଦ ଇଚ୍ଛା କଲେ ବି; ତାହା କଷ୍ଟସାଧ୍ୟ ହେବ। ପ୍ରତିବିଧାନ କଲେ ସୁସ୍ଥତା ଅନୁଭବ କରିବେ। ଯତ୍ନବାନ୍‌ ଓ ପରିଶ୍ରମୀ ହେଲେ କୃଷିରୁ ଲାଭ ମିଳିବ। ସାରାଦିନ ସତର୍କତାର ସହ ଚଳିବାକୁ ପଡ଼ିବ।

ମିଥୁନ: ବିନୟୀ ହେବେ। ସଦ୍‌ଗୁଣ ସମ୍ପନ୍ନ ହେବେ। ସୁଶ୍ରୀ ପତ୍ନୀଙ୍କ ପରାମର୍ଶ ଶୁଭଦାୟକ ହେବ। ସେବା ପରାୟଣ ହେବେ। ଅନବଦ୍ୟ ରଚନା ଜନସାଧାରଣଙ୍କ ପାଇଁ ଉପାଦେୟ ହେବ। କାର୍ଯ୍ୟ ଫଳପ୍ରସୂ ହେବ।

କର୍କଟ: ସରକାରଙ୍କ ସ୍ତାବକ ନ ହୋଇ ସ୍ପଷ୍ଟବାଦୀ ହେବେ। ସୁସ୍ଥ ଓ ନିରାମୟ ରହିବେ। ମହାଜନଙ୍କ ସହିତ ଲାଗିଥିବା ଶତ୍ରୁତାର ଅବସାନ ଘଟାଇ ଆଶ୍ବସ୍ତ ହେବେ। ଦିନଟି ମଙ୍ଗଳମୟ ହେବ। ଆତ୍ମସନ୍ତୋଷ ମିଳିବ।

ସିଂହ: ପତ୍ନୀଙ୍କ ସଞ୍ଚିତ ଧନ ପାଇଁ ସୁଖୀ ହେବେ। ନମ୍ରତାର ପ୍ରତୀକ ହୋଇପାରନ୍ତି। ଆପଣଙ୍କ ପରାମର୍ଶ ସୁଦୂର ପ୍ରସାରୀ ହେବେ। କାବ୍ୟକର୍ତ୍ତା ହୋଇପାରନ୍ତି। ନୀତିଶାସ୍ତ୍ରରେ ପାରଙ୍ଗମ ହେବେ।

କନ୍ୟା: ସେବା କ୍ଷେତ୍ରରୁ ଅର୍ଥପ୍ରାପ୍ତିର ସୂଚନା ମିଳୁଛି। ଶ୍ରମ ସାର୍ଥକ ହେବ। ଶତ୍ରୁତାର ଅବସାନ ଘଟିବ। ଜ୍ଞାନାଧିକ ହେବେ। ରମଣୀ ସ୍ନେହୀ ହୋଇପାରନ୍ତି। ସୁଶୀଳ ବ୍ୟକ୍ତିଭାବେ ଜନାଦ୍ରୁତ ହେବେ।

ତୁଳା: ଭ୍ରାତୃଭକ୍ତିଯୁକ୍ତ ହେବେ। ପତ୍ନୀବିନୀତ ସ୍ବଭାବସମ୍ପନ୍ନ ହୋଇପାରନ୍ତି। ବାକ୍ୟ ବିଶାରଦ ହେବା ଆଶା କରାଯାଏ। ନିର୍ଭୟରେ ପ୍ରଖ୍ୟାତ୍‌ କାର୍ଯ୍ୟ ସମ୍ପାଦନ କରିପାରନ୍ତି। ଆର୍ଥିକ ସ୍ଥିତି ସ୍ବଚ୍ଛଳ ରହିବ।

ବିଛା: ଯତ୍ନ, ଅଧ୍ୟବସାୟ ଓ ଉଦ୍ୟମକରି ଶୃଙ୍ଖଳିତ ବ୍ୟବସାୟରୁ ଧନ ଅର୍ଜନ କରି ଆତ୍ମସନ୍ତୋଷ ଲାଭ କରିବେ। ବହୁପ୍ରକାର ବ୍ୟବସାୟ ଲାଭଜନକ ହେବ। ନୀତିମାନ୍‌ ହୋଇପାରନ୍ତି। ଅତିସୁଖୀ ହେବେ।

ଧନୁ: ନୀତିନିଷ୍ଠ ହେବେ। ଧାର୍ମିକ ପ୍ରବର ହୋଇପାରନ୍ତି। ଯଶସ୍ବୀ ହେବେ। ଧନବାନ୍‌ ହେବେ। ଅପାର ଗୁଣର ଅଧିକାରୀ ହୋଇପାରନ୍ତି। ଜୀବନର ସମ୍ମୋହନ ମହାପ୍ରଭୁଙ୍କ ଶରଣାଗତ ହୋଇପାରନ୍ତି।

ମକର: ନିରୋଳାରେ ଚଳାଇଥିବା ସାଧନାରୁ ଶାଶ୍ବତ ସୁଖର ସନ୍ଧାନ ପାଇପାରନ୍ତି। ଭାଷା ଓ ବ୍ୟବହାର ମଧୁର ହେବ। ବିବାଦୀୟ ବିତର୍କରେ ଭାଗ ନେଲେ ଅସୁବିଧାରେ ପଡ଼ିପାରନ୍ତି। ଖର୍ଚ୍ଚାନ୍ତଯୋଗ ଅଛି।

କୁମ୍ଭ: ସମୁଦ୍ର ଗର୍ଭରେ ଲୀନ ହେବାକୁ ଯାଉଥିବା ଭାଷାକୁ ଉଦ୍ଧାର କରି ଉତ୍କଳୀୟ ଜନଚେତନାର ପ୍ରତୀକ ହୋଇପାରନ୍ତି। ଯେକୌଣସି କାର୍ଯ୍ୟରେ ହାତଦିଅନ୍ତୁ ନା କାହିଁକି; ସଫଳକାମୀ ହେବେ।

ମୀନ: ଦୟାର୍ଦ୍ରଚିତ୍ତ ଓ ସେବା ମନୋଭାବର ହୋଇପାରନ୍ତି। ଭାଗ୍ୟଶାଳୀ ହେବେ। ଶତ୍ରୁ ଉପରେ ବିଜୟ ହାସଲ କରିପାରନ୍ତି। ଦେବଦ୍ବିଜ ପରାୟଣ ହେବେ। ବ୍ୟବସାୟ ଲାଭଜନକ ହେବ। ବିତ୍ତବାନ୍‌ ହେବେ।