ହାଥରସ ଦଳାଚକଟାର ମୃତଦେହ ଦେଖି ଟଳି ପଡ଼ିଲେ କନଷ୍ଟେବଳ……

ରିପୋର୍ଟ କାର୍ଡ / ନୂଆଦିଲ୍ଲୀ

ଉତ୍ତରପ୍ରଦେଶର ହାଥରସ ସତ୍‌ସଙ୍ଗ ଦଳାଚକଟାରେ ବର୍ତ୍ତମାନ ସୁଦ୍ଧା ୧୨୧ ଜଣଙ୍କ ମୃତ୍ୟୁ ହୋଇଛି। ଶବଗୃହ ବାହାରେ ଗଦା ହୋଇଥିବା ମୃତଦେହ ଦେଖି ଛାନିଆ ହୋଇଯାଇଥିଲେ ଡ୍ୟୁଟିରେ ନିୟୋଜିତ ଥିବା ଜଣେ କନଷ୍ଟେବଳ। ଘଟଣାସ୍ଥଳରେ ହିଁ ହୃଦ୍‌ଘାତ ଯୋଗୁ ତାଙ୍କର ମୃତ୍ୟୁ ହୋଇଛି। ମୃତ କନଷ୍ଟେବଳ ଜଣକ ହେଲେ ରବି କୁମାର। ଏଟାର କ୍ୟୁଆରଟି ଅଭାଗଡ଼ରେ ସେ ନିୟୋଜିତ ଥିଲେ। ଦଳଚକଟା ପରେ ମୃତେଦହକୁ ମେଡିକାଲ କଲେଜକୁ ଅଣାଯିବା ପରେ ତାଙ୍କୁ ସେଠାରେ ଡ୍ୟୁଟିରେ ରଖାଯାଇଥିଲା। ତେବେ ମେଡିକାଲ କଲେଜ ବାହାରେ ଏତେ ସଂଖ୍ୟକ ଶବକୁ ଦେଖି ଅଚାନକ ତାଙ୍କୁ ହାର୍ଟଆଟାକ୍ ହୋଇଥିଲା। ଏହାପରେ ତାଙ୍କୁ ତୁରନ୍ତ ଚିକିତ୍ସା ପାଇଁ ନିଆଯାଇଥିଲା। ହେଲେ ସେଠାରେ ଚିକିତ୍ସିତ ସମୟ କନଷ୍ଟେବଳଙ୍କର ମୃତ୍ୟୁ ହୋଇଛି।