ଅଷ୍ଟମ ଫେଲ ଓ ଦ୍ବାଦଶ ପାସ୍ ଡାକ୍ତର କଲେ ଅସ୍ତ୍ରୋପଚାର,ସୂତି ଓ ନବଜାତ ଶିଶୁ ମୃତ…..

ରିପୋର୍ଟ କାର୍ଡ / ଭୁବନେଶ୍ୱର

ଜଣେ ଅଷ୍ଟମ ଶ୍ରେଣୀ ଫେଲ୍ ଓ ଜଣେ ଦ୍ବାଦଶ ଶ୍ରେଣୀ ପାସ୍ ଯୁବକଙ୍କ ହାତରେ ଜଣେ ପ୍ରସୂତି ଓ ନବଜାତ ଶିଶୁଙ୍କର ମୃତ୍ୟୁ ଘଟିଛି। ଏଭଳି ଅଭାବନୀୟ ଘଟଣା ଘଟିଛି ଉତ୍ତର ପ୍ରଦେଶର ସୁଲତାନପୁର ଅନ୍ତର୍ଗତ ପୂର୍ବା ଗ୍ରାମରେ । ସ୍ବାସ୍ଥ୍ୟସେବାର ସବୁଠୁ ଦାୟିିତ୍ବହୀନ ଦୃଷ୍ଟାନ୍ତ ଦେଖିବାକୁ ମିଳିଛି । ଗତ ୧୭ ତାରିଖରେ ଘଟିଛି ଏହି ହୃଦୟ ବିଦାରକ ଘଟଣା। ମଙ୍ଗଳବାର ରାତିରେ ପୁନମଙ୍କର ଗର୍ଭବେଦନା ହୋଇଥିଲା। ପରିବାର ଲୋକେ ତାଙ୍କୁ ସ୍ଥାନୀୟ ମା ଶାରଦା ହସ୍ପିଟାଲରେ ଭର୍ତ୍ତି କରିଥିଲେ। ସେଠାରେ ପୁନମଙ୍କର ଅେସ୍ତ୍ରାପଚାର ସମୟରେ ପ୍ରବଳ ରକ୍ତସ୍ରାବ ହୋଇଥିଲା। ସେ ଗୁରୁତର ହୋଇପଡ଼ିବାରୁ ତାଙ୍କୁ ଲକ୍ଷ୍ନୌ ପଠାଇ ଦିଆଯାଇଥିଲା। ରାସ୍ତାରେ ଉଭୟ ପୁନମ ଓ ନବଜାତ ଶିଶୁଙ୍କର ମୃତ୍ୟୁ ହୋଇଯାଇଥିଲା। ପୁନମଙ୍କ ସ୍ବାମୀ ରାଜାରାମ ଓ ପରିବାର ଲୋକେ ଦୁଇଟିଜାକ ମୃତଦେହ ଧରି ସ୍ଥାନୀୟ ଥାନାରେ ପହଞ୍ଚିଥିଲେ ଓ ହସ୍ପିଟାଲ ମୁଖ୍ୟ ତଥା ଡାକ୍ତରଙ୍କ ବିରୋଧରେ ଅଭିଯୋଗ କରିଥିଲେ। ପୋଲିସ ମାମଲାର ତଦନ୍ତ କଲାବେଳେ ଯେଉଁ ତଥ୍ୟ ସମ୍ମୁଖକୁ ଆସିଲା ସେଥିରେ ସମସ୍ତେ ବିସ୍ମିତ ହୋଇଯାଇଥିଲେ। ତଦନ୍ତରୁ ମିଳିଥିବା ତଥ୍ୟ ଅନୁସାରେ ସାଇନିସ୍ଥିତ ମା ଶାରଦା ହସ୍ପିଟାଲେର ପୁନମଙ୍କ ଅେସ୍ତ୍ରାପଚାର କରିଥିବା ବ୍ୟକ୍ତି ଡାକ୍ତର ନ ଥିଲେ। ସେ ଥିଲେ ହସ୍ପିଟାଲ ପରିଚାଳକ ରାଜେଶ ସାହାଣୀ। ତାଙ୍କୁ ଅେସ୍ତ୍ରାପଚାରରେ ସହାୟତା କରିଥିଲେ ରାଜେନ୍ଦ୍ର ପ୍ରସାଦ ଶୁକ୍ଳ। ରାଜେଶ ଦ୍ୱାଦଶ ଶ୍ରେଣୀ ଯାଏ ପଢ଼ିଥିବାବେଳେ ତଥାକଥିତ ଡାକ୍ତର ରାଜେନ୍ଦ୍ର ଅଷ୍ଟମ ଶ୍ରେଣୀ ଫେଲ୍। ସେମାନଙ୍କ ଅନ୍ୟ ଜଣେ ସହଯୋଗୀ ଥିଲେ; ଯେ କି ପଞ୍ଚମ ପାସ୍। ତିନି ଜଣ ମିଶି ସାଧାରଣ ବ୍ଲେଡ୍ରେ ଅେସ୍ତ୍ରାପଚାର କରିଥିଲେ। ପ୍ରସବର କିଛି ସମୟରେ ପରେ ଶିଶୁର ମୃତ୍ୟୁ ହୋଇଥିଲା। ରାଜେଶଙ୍କ ଘର ଖିରି ଜିଲାରେ ହୋଇଥିବାବେଳେ ରାଜେନ୍ଦ୍ର ଓ ତାଙ୍କ ସହଯୋଗୀଙ୍କ ଘର ଅଯୋଧ୍ୟାରେ। ଏମାନେ ଦୀର୍ଘ ଦିନ ଧରି ଡାକ୍ତରଖାନା ଚଳାଇ ଆସିଛନ୍ତି। ପୁଲିସ ଉଭୟଙ୍କୁ ଗିରଫ କରିଛି। ହସ୍ପିଟାଲର ରେଜିଷ୍ଟ୍ରେସନ୍ ନ ଥିଲା। ଏଭଳି ହସ୍ପିଟାଲ କିଭଳି ଚାଲିଛି ଓ ରାଜ୍ୟ ସ୍ବାସ୍ଥ୍ୟ ବିଭାଗ ନଜରକୁ କିପରି ଏହା ଆସି ନାହିଁ ସେ ନେଇ ବିଭିନ୍ନ ମହଲରେ ବିସ୍ମୟ ପ୍ରକାଶ ପାଇଛି। ପୁଲିସ ଅଧୀକ୍ଷକ ଡ.ଅରବିନ୍ଦ ଚତୁର୍ବେଦୀ ଜିଲା ମୁଖ୍ୟ ଚିକିତ୍ସା ଅଧିକାରୀଙ୍କୁ ଏଭଳି ହସ୍ପିଟାଲ ଚିହ୍ନଟ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଚିଠି ଲେଖିଛନ୍ତି।