କାର୍‌ରେ ମହିଳାଙ୍କୁ ଦୁଷ୍କର୍ମ ଅଭିଯୋଗ….

ରିପୋର୍ଟ କାର୍ଡ / ନୂଆଦିଲ୍ଲୀ

ଏକ ରିଏଲ୍ ଇଷ୍ଟେଟ୍ ଫାର୍ମରେ କାର୍ଯ୍ୟରତ ଜଣେ ମହିଳାଙ୍କୁ ଯୌନ ନିର୍ଯାତନା ଦିଆଯାଇଥିବା ଅଭିଯୋଗ ହୋଇଛି। ହାଇଦ୍ରାବାଦରେ ତାଙ୍କ ଜଣେ ସହକର୍ମୀ ତ‌ାଙ୍କୁ ଥଣ୍ଡା ପାନୀୟରେ ନିଶା ମିଶାଇ ପିଇବାକୁ ଦେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ଏହି ଘଟଣାର ତଦନ୍ତ କରାଯିବା ପରେ ଅଭିଯୁକ୍ତ ଜନାର୍ଦ୍ଦନ ଏବଂ ସାଙ୍ଗା ରେଡ୍ଡୀଙ୍କୁ ଗିରଫ କରି ଜେଲକୁ ପଠାଯାଇଛି। ମହିଳା ଜଣକ ତାଙ୍କ ଅଭିଯୋଗରେ ଦର୍ଶାଇଛନ୍ତି ଯେ ସେ ରବିବାର ଦିନ ମିଆପୁରକୁ ଜଣେ ବିକ୍ରେତା ଭାବରେ କାମ କରିବାକୁ ଯାଇଥିଲେ। ସେଠାରେ ସେ ଦୁଇଜଣଙ୍କୁ ଭେଟିଥିଲେ। ଜଣେ ତାଙ୍କୁ ହଷ୍ଟେଲରୁ ଉଠାଇ ୟାଦାଗିରିଗୁଟ୍ଟାର ଏକ ସାଇଟକୁ ଯାଇଥିଲେ। ରାତିରେ ଫେରିବା ବେଳେ ସେମାନେ ଏକ ନିର୍ମାଣାଧୀନ କୋଠାରେ ଅଟକି ଯାଇଥିଲେ। କାରଟି ଭାଙ୍ଗି ଯାଇଛି ବୋଲି ସେମାନେ ତାଙ୍କୁ କହିକି ଉକ୍ତ କୋଠାରେ ଅଟକାଇଥିଲେ। ଏହା ପରେ ଦୁଇଜଣ ତାଙ୍କୁ ଖାଦ୍ୟ ପ୍ରଦାନ କରିଥିଲେ, କିନ୍ତୁ ସେ ମନା କରିଦେଇଥିଲେ। କିନ୍ତୁ ଶେଷରେ ସେମାନେ ତାଙ୍କୁ ଥଣ୍ଡା ପାନୀୟ ପିିଇବାକୁ ଦେଲେ। ଏହି ପାନୀୟରେ କିଛି ମିଶ୍ରଣ ହୋଇଥିବା ସନ୍ଦେହ କରାଯାଉଛି। ସେମାନେ ତାଙ୍କୁ ଏକ ମିଠା ମଧ୍ୟ ଦେଇଥିଲେ। ଯାହାପରେ ମହିଳାଙ୍କ ମୁଣ୍ଡ ବୁଲାଇବା ଆରମ୍ଭ ହୋଇ ଯାଇଥିଲା। ଏହି ଘଟଣାର ସୁଯୋଗ ନେଇ ପୁରୁଷମାନେ ତାଙ୍କୁ କାରରେ ନେଇ ସକାଳ ପର୍ଯ୍ୟନ୍ତ ଯୌନ ନିର୍ଯାତନା ଦେଇଥିବା ମହିଳା ଅଭିଯୋଗ କରିଛନ୍ତି। ଯୌନ ନିର୍ଯାତନା ସହିତ ତାଙ୍କୁ ମଧ୍ୟ ମାଡ ଦିଆଯିଇଥିବାରୁ ଶରୀରରେ ଯନ୍ତ୍ରଣା ହେବାର ସେ ଦାବି କରିଛନ୍ତି। ଏହା ପରେ ପୁରୁଷମାନେ ତାଙ୍କୁ ମିଆପୁରର ଏକ ହଷ୍ଟେଲରେ ଛାଡି ପଳାଇ ଯାଇଥିଲେ ବୋଲି ଅଭିଯୋଗରେ ଦର୍ଶାଯାଇଛି। ଦୁଷ୍କର୍ମ ଏବଂ ଅନ୍ୟାନ୍ୟ ଅଭିଯୋଗରେ ପୋଲିସ ଏକ ମାମଲା ଦାୟର କରିଛି।